Sicilia, isula di tanta genti
unni ci sunnu chiddi stanchi
e chiddi ntrapendenti
chiddi onesti
e chiddi delinquenti.
Lu suli, lu mari e l'allegria di la genti
sunnu vantati fora pocu e nenti
picchi purtroppu succedunu guai
ca su canusciuti unni vai vai.
Li mali genti ci sunnu a tutti banni,
ma nta sta terra ci furunu pisanti danni.
U silenziu non mi giuva a cummigghiari
lu duluri ca ni fa custirnari,
a lu pinseru di dda genti onesta
ca fu mazzata da certi senza testa.
A mala genti da Sicilia amu a cacciari
si a giustizia vulemu truvari
senza scantarini di certi azioni,
purtannu avanti li nostri opinioni,
cu onestà e rispettu pa vita
cercamu di teniri sta terra unita.
Non vogghiu chiù ca fora i genti ngiuriusi
parranu di siciliani comu tanti mafiusi,
picchi nta sta terra ci su i delinquenti,
ma a maggior parti è brava genti
Alessandra Lo Monte
