La luna è la finestra di lu celu
spampina leggi veli di palluri
cu sentimentu e nova fantasia
supra la terra, carrica di ciuri.
Passa lu ventu e ridi a li jardina,
lassa vasuna e pollini d'amuri,
na' nuvula vattia li gemmi novi,
l'erba li vesti di sita e culuri.
Cuntenta l'ìrvicedda annaculia.
Si specchia a lu canali e fa tuletta.
Lu passaru nuveddu sta ammucciatu,
prova lu versu, adaciu lu gurgheggia
p'un fari arruspigghiari lu so amuri.
Maria Favuzza
Nessun commento:
Posta un commento