Povira umanità senza cuscenza
senza vriogna ci semu arrivati
pì travagghiari nuddu cchiù ci penza,
tutti a la bedda vita semu rati.
E pi la giovintù è 'na sdicenza:
l'amuri iri facennu pi li strati,
e cchiù c'annavanzari va la scienza,
cchiù assai ci nni su' genti sminuddati.
D'un camminari 'nta la mala via
cunsingghiu a l'omu di stariccì attentu
e dicu 'nta 'sta rozza puisia
a chiddi chi nun vonnu 'nsignamentu.
Cu dunni metti 'i peri nun talia
si vota e sbota comu va lu ventu,
ma si cu sbagghia nun apparteni a mia,
m'affliggiu, ma duluri nun ni sentu.
Diu retti libertà di fari e sfari
a cu la vita storta giusta pari.
Fontana Antonino
Nessun commento:
Posta un commento