Diu ti ringraziu ca non sugnu un saggiu
anzi mi fazzu nicu e mi sdilleggiu,
di frunti a tanta scienza m'ammaraggiu
e cu li forzi mei fazzu 'n-cunteggiu.
P'essiri un saggiu ci voli curaggiu:
ed iù di saggiu comu mi cci atteggiu
si nun sacciu natari e mi sdisaggiu
ca a stari a galla mancu mi cci arreggiu?
La saggizza voldiri cunquistari
tanta maturità, tanta sapienza
ca ognunu lu cappeddu s'ha livari!
Non sugnu un omu saggiu e m'i n'addugnu
ca sugnu na vampugghia e in consiguenza
è megghiu daccussì pi comu sugnu
Enzo D'Agata
Nessun commento:
Posta un commento