Nta l'ultimi tempi, ha cangiatu u munnu,
ma nun vi spagnati. è sempri tunnu!
Sulu c'ha successu una cosa ranni,
a civiltà ha trasutu a tutti banni!
Ora, su faciti un minutu d'attenzioni,
vi spiegu comu ha successu 'sta rivoluzioni.
L'omu, ha aggiustatu, cu la so intelligenza,
chiddu, ca u Signuri aveva criatu in partenza.
Ha distrurutu muntagni e foresti
pi fari stradi e caminari chiù lesti.
Ha tagghiatu arvuri pi fari carta e ligna,
h'ammazzatu animali pi la sò bisogna.
I città e i fabbrichi teni puliti,
ma a lurdia unni finisci, nun vu dumannati?
'Nte ciumi i pisci 'cchiù nun ponu stari,
chista è a civiltà cari cumapri,
U munnu, ha persu a sò biddizza
pirchì l'omu ha inchiutu di munnizza.
Cu munnizza e pitroliu ha civilizzatu puru u mari
finalmente, nun avemu chiù nenti di fari!
Anzi, nun avemu propriu cchiù nenti
semu a postu, civili e cuntenti
ALFREDO OSSINO
Nessun commento:
Posta un commento