O SAN GIUSEPPE

O San Giuseppe, tu santu mischinu,

cu lu vastuni chi tinivi 'n manu

Gesù l'accumpagnasti ntò caminu.

Si patri di gesù e di la natura,

si patri di li giusti e 'ì piccatura,

tu chi beatu si, c''u to surrisu,

li figghi to' accumpagna 'n mparadisu!

Dinanzi 'st addubbatu e anticu altari,

ch''a genti a massa veni a visitari,

c'è cu addumanna 'a grazia cu disiu

e c'è cu inveci già l'arriciviu .....

ma  'un c'è pirsuna chi visita a tia

 chi cu gran vuci e fidi nun vucia:

VIVA GESÙ E GIUSEPPE CU MARIA!

ANONIMO