Chiuvia.
L'acqua si sdirrupava da munyagna
e lu suli mancu si vidia.
Dù occhi spalancati,
darrè lu vitru di 'na finestra,
taliavanu, luntanu,li pirati.
Scampau,
e 'u suli, a picca a picca,
lu mantu pirciau.
---Patri, picchì chiancivi,
c'attinagghiava lu tò cori,
c'avivi!?
----- Chi sai,
tu, figghiu, di lu mè chiantu,
chi saì !?
----- Patri, tanti coccia d'acqua vitti sculari
e sulu dui, di ccà sta banna 'u vitru,
si vittiru calari.
Dù lacrimi scinneru,
e tu lu sai,
nun t'ammucciari dimmi ch'è veru.
-------Si, è veru, ma su' cosi assai luntani,
cosi ca fannu chianciri li petri,
tu, nun poi capiri,
tu, ci l'hai a tò matri!
Dino Altese
Nessun commento:
Posta un commento