LU DIFETTU DI LI LAGNUSI

Chi difettu chi hanno li lagnusi,

chi 'un sunnu 'nsignati a travagghiari,

su' cu li così  d'avutru sprazzusi

e pi sfurtuna nenti sannu fari.

Mi parinu a  talialli piatusi,

e' pi lu mè bisognu l'a pacari

mentri chì 'sti ngnuranti fannu abbusi

a cu' di iddi a menu 'unni pò fari,

'Sti gran  lagnusi, frutti e puzzulenti,

vonnu li sordi senza fari nenti.

Spirannu chi finissi 'sta cuccagna

di dari aggiu a li genti lagnusi,

nuddu cci voli iri cchiù 'incampagna

avemu tempi tinti e scannalusi.

Biatu cu lu pani si varagna,

cu lu travagghiu senza fari abbusi,

li picurara su 'nta la montagna,

'nta lu paisi su' chiddi viziusi,

chi pi la lagnusia d'un travagghiari,

vannu arrubbannu e si fannu arristari.

Fontana Antonino

CENA DI SAN GIUSEPPE

Salemi è lu caru me paisi

chi di peni cunfusu,p'ogni mali

prumetti cu fidi a San Giuseppi

nna cena fulcuristica spiciali.

Votu pussenti, sia pi malatia

o pi disgrazii, o peni di lu cori;

votu chi tra prieri, genti pia

dumanna grazii  cu fedi c'un mori.

Pani di San Giuseppi, scartucciatu,

fraganti, biancu, tantu sapuritu,

lucenti d'ovu, d'oru mpaniddatu,

di ciuri e giuggiolena rifinutu;

la parma, lu vastuni, u cucciddatu

pari scurpitu d'un artista anticu

cu stili di valuri assai prigiatu,

battutu, adaciu, cun marteddu nicu.

Archetti virdi, a forma di cappella,

d'addavuru,e appisi li lumiuna,

aranci, cudduredda, lumincella,

rametti di piridda, favi, pruna.

Rappuliddi di scura racina,

fatti di pasta bianca e vinu cottu,

cannistreddi di frutta miscati

fatti di pasta chi pari viscottu.

Tra siti antichi e cutri risplendenti

copri la mensa tila arriccamata;

lu vinu odura nmezzu la lattuca

chiusa comu nna rosa incappucciata.

Nta sferi di cristallu trasparenti

li pisciteddi d'oru macchittati,

dintra dd'acqua chi luci lenti lenti

s'affannanu a firriari senza ciatu.

Tri picciriddi stannu mpersunannu

San  Giuseppi, la Madonna, lu Bamminu;

s'assettanu a nna tavula riali,

lu pranzu scurri tra lu ncenzu e vinu.

Gustusi e vari sunnu li pitanzi

priparati  cu amuri pirsunali;

fritturi, pisci, dorci,ova, sustanzi,

piatta di maccarruna triunfali.

Sarvietti bianchi, tissuti di casa,

li megghiu piatta cu pasta cunzata,

si mannanu a l'amici e a li vicini

pi cummitalli a dda cena sacrata.

La sira passa lesta  in armunia;

passanu ogni tantu li bicchera

e accumpagnata di lu sunatura

s'intona la gluriusa litania.

Cena di San Giuseppi, fidi, oduri,

di grazi i di fulcluri tramannatu,

di genti timurata chi cu amuri

lu santu mastriceddu unn'ha scurdatu.

MARIA  FAVUZZA

L'AMICIZIA D'OGGI

Oggi l'amicizia si prende con il contagocce.

Striminzita e non tanto sincera,

si sente che non è quella vera,

quella come quando io ero adolescente.

quella si, che era amicizia

senza nessuna pigrizia.

Nella strada eravamo tutti  come parenti,

gioiosi disponibiliè e uno con l'altro contenti.

Era un'amicizia senza nessuna malvagità                     

forse perché non c'èra da mangiare a sazietà

e ci consolavamo con l'amore.

Oggi invece siamo  nell'era  dei progressi, 

ma per l'amicizia siamo perplessi, 

C'è molta diffidenza,

si va avanti così,    senza una coscienza,

si pensa forse più all'evoluzione,

così diventa l'era dell'imbroglione.

Non lo so,ognuno si dà all'arroganza,

ignorando che è sinonimo d'ignoranza.

Io voglio e resto com'ero,

e lo dico perché sono sincero

vado per la mia via,

anche se non trovo compagnia.

Mi troverò bene almeno quel giorno,

quel giorno,anche l'arrogante chiederà la mano,

perché anche lui sarà uguale.

Mi riferiscvo al giorno del giudizio universale,

seminando male raccogli male,

seminando bene e amore,

invece ti accoglierà il Signore.

Il Signore non è vendicativo,

ma ti vuole pulito e creativo.

Leonardo Sacco

CAMPAGNULEDDA

Campagnuledda, quantu si baggiana!

Quannu chi affacci tu, spunta la luna.

Si comu un'acqua frisca di funtana,

chi metti 'n muvimentu la pirsuna.

Cu 'na faretta di sita o di lana,

ognunu chi ti viri, s'abbannuna.

Quannu chi passi tu di lu me locu,

'nta li me' vinì mi sbampi lu focu.

        Cu 'ssu sciallu chi ti metti

                 e capiddi chi ti sciogli,

                 stu me' cori lu trascini,

               comu nenti, tu mi cogghi.

Campagnuledda sempri 'nfacinnata,

tu sempri sì a cuntattu cu la crita:

E'n mezzu l'acquazzina 'mpappìnata,

nun avì mai risettu la to vita.

All'alba, quannu fa la to' cantata,

cu'ssa to vucca frisca e sapurita,

l'aceddi chi su' fora a la campia,

attornu si ni stannu e ' nsemi a tia.

                 Si t'avissi pi un ìstanti

               jè vicinu,a lu me 'tornu,

                  puru fussi scuru fittu,

                  mi parissi menzjornu.

Tra cògghiri la livi e la vinnigna,
allegra è puru tutta la campagna,
tu stai 'n menzu a 'ddì pàmpini di vigna,
chi l'acquazzina li to manu vanga.
Siddu 'ssa manu tuccassi 'sta tigna
e di stu cori mi fussi cumpagna,
lu celu jè tuccassi cu li manu,
e ti dunassi jè lu munnu sanu.
               Canti comu 'na sirena,
               ni stu mari senza funnu,
                   si lu spassu di la vita:
Lu cchiù beddu di 'stu munnu.
Giuseppe Coraci