Lu viddaneddu
scinni di li so spadduzzi
lu cartidduni chinu
di racina.
E mentri stancu
cu l'ossa rutti
iddu canta e riri
pi li so chini utti.
E' certu chi quannu la vigna
si spogghia e si vesti
e la natura fa li jorna giusti
allura sì chi si fannu festi.
Però vi parlu
di lu vinu ancora acerbu
quannu 'ntà la utti
fa lu sò riugghiu.
Circati di iri a la spinoccia
araciùliddu
picchì livannu lu tappu
divintati un picciriddu.
Su cosi chi succerinu; sapiti?
A Narduzzu ci successi na jurnata
'nta la utti assai s'avvicinau
e 'nbriacu si curcau dda sirata.
Di li 'nbriachizzi
fici cosi tinti,
ruppi piatti, bicchieri
e 'nzalateri tunni.
Di Maruzzedda
pritisi na vasata
e 'nbriacu ci ristau pi na
simanata.
Cipponeri Rosa
Nessun commento:
Posta un commento