Quannu viriti muntagni di jissu
chistu è Salemi e passannucci arrassu
lu granni onuri a vui nun è pirmissu
di godiri cuntenti tantu spassu.
Musica in allegria si canta spissu,
la petra campanedda ad ogni passu,
e sfinci, cassateddi, e un sulu chissu,
fritti 'nta l'ogghiu nostru senza grassu;
di pani a San Giuaeppi c'è n'abbissu,
lu Casteddu talia di supra un massu
cu Polisu e Mukarta sempri fissu.
La storia e l'arti nostra passu passu,
Nicola, 'a 'Mmaculata e 'u Crucifissu:
li megghiu Santi nui purtamu a spassu.
GIOVANNI LO JACONO
Nessun commento:
Posta un commento