AUGURI DI BUON NATALE E FELICE ANNO NUOVO

VI  AUGURO  DI  TRASCORRERE 

UN  NATALE  SERENO,

UN  CAPODANNO SCOPPIETTANTE

ED  UN  ANNO  NUOVO

CHE VEDA REALIZZATO

OGNI  VOSTRO  DESIDERIO.

AUGURIIIIIIII .........

E' LA NOTTE RI NATALI

E' la notte ri Natali

è la festa principali

e scinneru li pasturi

pà adurari nostru Signuri;

Bambineddu ruci ruci

iù ti portu li me nuci

ti li scacciu e ti li manci

accussì stà zittu e nun chianci;

Bambineddu ruci assai

lu granatu ti purtai

ti li manna la mamma mia

chi è cchiù ricca ri Maria;

Bambineddu ruci e amatu

iu ti portu u cuccidratu

ti li manci in cumpagnia

ri Giuseppe e ri Maria.

ANONIMO

LU SCHERZU E' PIACEVULI E LIALI SULU S'UN PISCIA FORA R''U RINALI

Quannu scherza cu mòdi 'ntelligenti         

l'omu schirzusu fà scialari 'a genti

appena metti a sìgnu lu so tiru

a cù 'ncagghia cci manca lu rispiru

Appena chi lu schèrzu è sbindatu

di riri sulu cc'è chi s'ha' scherzatu

pi chissu 'un è ri fallu a lu 'mmiacu

e nammenu a cu è "Minicu Cacu"

Lu scherzu s'havi sempri a calculari

s'è rausu è còsa di scartari

masìnnò  roppu tùtta la scherzata

finisci a sciarra e a chiàntu la risata

Lu scherzu un'arma è a doppiu tagghiu

è 'na ciappola, chì cela lu 'ncagghiu

'un va usata cù genti dementi

o cu l'usu nni fà, roppu si penti.

Lu scherzu fattu a tàli, Stifanazzu

notoriamenti un gràn babbasunazzu

senza vulillu fù assai pisanti

da fari rivutàri puru 'i santi

Sapennulu, l'amici ch'era liccu

e cc'avissi carùtu comu un miccu

vantavanu  ri fàri spanni e spenni

spassannusilla cù li minurenni

Stifanazzu attintàva ed ammuccava

pi sentili perciò s'avvicinava

e poi cci parsi rì cogghili 'n fallu

quannu pallaru di festa di ballu

All'angulu r''u bàarri r''u zzu 'Ndria

si retti appuntamentu 'a cumpagnia

<

la seguemu, cu' jùnci prima aspetta>>

Stifanazzu attinttàu cu 'ndiffirenza

ma nun fici mancàri 'a so prisenza

misu ravanti 'u bàrri r''u zzi 'Ndria

aspittau comu un fìssa a cumpagnia

Nuddru si prisintàu, passau a lambretta

a caddru cci pàrsi 'na <>

nun cci vitti di l'òcchi Stifanazzu

e cci jiu rarrè còmu un minchiunazzu

Rintra  pa'ìsi ccì fu la gincana

cu' jia a punenti e cù' jia a tramuntana

Stifanazzu li pèrsi, poi, ri vista

e 'nculluratu sì pista e ripista

Ma ccì facia la gùla nnicchi nnicchi

comu succeri, spissu, a chiddri licchi

si curcau annirvatìzzu e scunsulatu

senza sapiri ch'èra cutuliatu

L'indomani 'i picciotti 'u stuzzicaru

tutti li passatèri cci cuntaru

cuntaru comu avianu arrimurchiatu

e quantu si lavissiru spacchiatu

Stifanazzu attintava e si ruria

p'avir persu ri vìsta 'a cumpagnia

r'azziccari spirava lu mumentu

ri quann'era lu nòvu appuntamentu

'Sta vota lu fissàru a l'ottu 'n puntu

pi cuntarisi lù restu r''u cuntu

e ghirisinni ròppu o' Castiddrazzu

runni si cumminàva lu 'ntrallazzu

Stifanazzu di nòvu nun mancau

ravanti o' barri attèntu s'assittau

e aspittau pi l'orariu prefissatu

l'incontru, ri l'amici, cuncurdatu

'Na machina cu rintra 'na <>

passau pi l'ottu 'n puntu ri vulata

si viria ri 'na dònna l'angularu

e puru 'u sutta rì lu masciddraru

Stifanazzu abbirratu comu un turcu

rissi: <>

li vitti tutti rìntra un malasenu

runnì cc'eranu 'nchiùsi balli fenu

Puru iddru ci trasìu senza pinzari

p''u scuru cci tuccàu ri truppicari

ru' mascarati "armàti" l'attunniaru;

pigghiau lignati rì cozzu e cuddaru

Senza vulillu,  alfìni lu sbinnaru

cci spaccaru c'un pùgnu l'angularu

c'un corpu siccu pòi drittu a lu sonnu

cci cumpareru lì stiddri mezziornu

Si nun cc'è nuddru chi supra cci ciucia

è giustu rir , cu' è liccu sabbrucia

'sta pitanza però fu priparata

pi giunta, puru, ccì vinni salata

Pi Stifanazzu fù scherzu r'armali

e c''a scupetta càrricata  a sali,

quannu vitti l'amici far capanna

li corpa cci spàrau chi tinia 'n canna

La mira fu pigghiàta versu u'u vasciu

runni l'omini vèri tennu 'u 'ncasciu

lu sali si 'un ammazza, certu abbrucia

e ancora cc'è cu' li feriti ciucia

Lu scherzu fattu vinni esaggeratu

Stifanazzu fu pùru vastuniatu

pi pocu nun fìiniu 'nna 'na trageria

e tutta la babbiàta, in cosa seria

Scherza chi fanti e làssa stari 'i santi

cu li minchiuna 'un fari 'u pruvucanti

lu scherzu è piacèvuli e liali

sulu s'un piscia fòra r''u rinali

VINCENZO ADAMO

CADIA NA' STIZZA D'ACQUA

Cadia na' stizza d'acqua ad allammicu

davanti lu palluri di la luna.

Nta lu silenziu lu sicchiu pinnia

supra lu puzzu, allatu li limuna,

stancu di li scinnuti e l'acchianati

talia ncelu, comu pi circari.

Gimia lu pernu e puru la catina

appisa all'arcu chi paria d'argentu.

Li chiuppa attintavanu sigreti

tistiannu a li discursa di lu ventu

chi spittinava rosi arraccicati

supra lu tettu vasciu di li casi.

Curcatu lu silenziu supra un ciuri

svigghiava nà nuttata di duluri

e larmi persi mmezzu a tanti spini.

MARIA  FAVUZZA

A SPIRANZA

A spiranza pi l'omu è comu un cuscinu

ca l'accumpagna pi tuttu u so camminu.

Quannu è nicu e nun canusci peni,

ci lu cucchi e tuttu lu cunteni.

Di supra ci dormi beatu

di la speranza si senti annacatu.

Poi, passa u tempu e crisci

e lu cumpagnu di sutta ci sparisci.

Quannu è granni e s'arriposa

sulu a testa acchiù ci posa.

Quannu è vecchiu, e è sulu,

si cucca a sira e ci pari duru.

Poi, a notti s'arruspigghia,

moddu ci pari e sonnu nun pigghia.

Sulu quannu mori c'arriposa cuetu finalmenti,

ma tannu, di spirari nun avi nenti.

ALFREDO OSSINO

'NCERCA DI CUMPAGNIA

'U surrisu: Ricchizza di l'omu

na ricchizza c'ugnunu po' aviri

un poi diri, 'u fazzu ma comu

l'u' poi fari: E poi dari piaciri.

Mentri riri: Tu crisci l'amuri

fai di rosa ..... Pi fina 'l'u diri

e la pirsuna: Ti gusta sapuri

tanta gioia, c'ognunu ci criri.

U' labbru, ha un granni putiri

s'a' to' vucca .... surridiri sà

pi cu talia ....... si crisc'i' rispiri.

Ti ridduci l'u' mali ..... a mittà

alluntana l'u' tantu suffriri

su' to' labbru, stu rialu l'u' fà.

PAOLO  RUGGIRELLO

LA MAMMA

L'amuri di la mamma è straputenti

E pi li figgh' cosi ni fa tanti.

L'aiuta 'nta li vai e 'nta li stenti

E ci duna lu cori a tutti quanti.

Ci sparti puru l'arma, ed è cuntenti:

Voli cuntenti a tutti pì davanti.

E l'accuntenta 'nta qualunchi cosa,

E pi li figghi peri nun ni posa.

No, nun ni posa mai, sta n'muvimentu.

Travagghia  p'aiutari a tutti quanti.

Anchi si figghi ci n'avissi centu,

A tutti li cummogghia cu lu mantu.

E si la vita so' la passa a stentu,

A nuddu lassa misu 'n quarchi cantu.

Tutti li cerca e li voli prisenti

E sentiri 'un ci fa li patimenti.

Patimenti pi figghi è tristi cosi

Supportanu li matri, e su amurusi.

Puru si lu distinu  ad iddi vosi

Dàrici dispiaciri  cchiù gravusi.

Spissu li figghi 'un ci dunanu rosi

Pi cumpenzu a li meriti, e hannu scusi

Pi  vulirisi jnchiri la sacchetta,

Anchi si so mammuzza va a fa detta.

SEBASTIANO  BENENATI

PER NOI

L'amore

non è paradiso terrestre,

a noi

l'amore

annunzia ronzando

che di nuovo

è stato messo in marcia

il motore

raffreddato del cuore

Vladimir Majakovskij

CU' SI FIDA DI L'AVVOCATU AFFRITTU CAMPA E PIRISCI SPINNATU

Nanài Sciarrinu e Pèppi Liticùni

avianu a limitu, pòrta e purtùni

puru a li pila ccì facianu càsu

e passari un 'nnavia na musca pu nàsu.

A Peppi 'u sceccu ccì satau lu mùru

lassau la stadda sò locu sicuru

dammaggiu fici 'nnà l'ortu a finaita

e picca mancau chì finissi a fàida.

Nanài era assai fucùsu, di caràttari

'nni Peppi 'ccì jiu, cù boria, a ribbàttiri

appena ch'arrivàu misi 'ì bannètti

e picca mancau chì pira 'un 'cci rètti.

Vulia pagatu lù dannu a la lìra

chiddu di li mulùna e di li pìra

'ntimidiu puru là settima rèra

ch'avissi fattu di tutti stramèra.

Peppi ch'era però un omu saggiu

ricanuscìu di lu sceccu 'u dammaggiu

tuttu nun lu vulìa però paari

prontu sulu 'na mànu era a tagghiari.

Nanài, sfirriusu, nùn capiu raggiuni

l'omu ch'è omu nùn fa lu minchiuni

cu 'sta pruposta sì 'ntisi 'nsultatu

e a ribbattiri jìu 'nnall'avvocatu.

Pi la difisa di li so'  'nteressi

cci misi all'avvocatu Causipessi

summu avvocatu, prìncipi r' 'u foru

cc'avia difisu là causa a so soru.

Lu tortu paria di Peppi lampanti

avia lu sceccu fattu lu briganti

sbaglia lu sceccu e pàga lu patruni

picchì la liggi nùn talia raggiuni.

Poi nun sapennu 'ì mòssi di Nanai

a Causipessi ccì cantau li vai

chistu tranquillu lu fici sfuari

cci dissi poi: << difènnu a to cumpari >>.

Però cci vosi dari un bon cunsigghiu

rivolgiti al collèga meu Cunigghiu

porta 'sta littra d'accumpagnamentu

e bonu ti farà lu trattamentu.

Peppi si misi, lèstu a caminari

putia supra li spisi sparagnari

piegau la littra e l'à misi 'n zacchetta

'nna la parti di dintra d' 'a giacchetta.

Camin facennu s'àguzzau lu 'ngegnu

la testa dura sèmpri 'un è di lìgnu

comu fimmina ch'è cusiritèra

scirau a littra e liggìu chiddu chi cc'era.

" Carissimu cullèga meu Cunigghiu

mannu stu pollu pì daricci un cunsigghiu

fa la parigghia cù 'n'autru picciuni

chi tegnu dintra già 'nto me casciuni.

Cerca lu modu dì fallu 'nfutari

e prestu li facèmu poi scannari

quannu capemu chì aggir si pò

pi unu cci pensi tù, pi l'autru jò>>.

Peppi calculau chì tuttu 'stu 'ngannu

chiossai putia custàrca di lu dannu

misi al correnti d'ù fattu a Nanài

chi pi sta  littra avia li stessi vài.

"Finemula cu tùtta 'sta vriogna

semu 'nte manu dì genti carogna,

'ncucchianu i testi, pi falli truzzari,

comu picciuna nnì vonnu spinnari".

Puru, allura, Nanài si cummincìu

comu putia finìricci a schifiu,

un tintu accordu dòppu ch'è firmatu

è megghiu di li vài d'un avvocatu.

Peppi e Nanài imitàru a Salamuni

truvaru l'accordu e pùru la raggiuni

vali  chiossai la pàci di la verra

quannu a cunfini sì teni la terra.

Si l'avvocàtu aggàrra a unu minchiuni

finisci sempri chì havi raggiuni

cu si fida perciò di l'avvocatu

affrittu campa e mòri poi spinnatu.

ANONIMO

CARRITTERI

O carritteri cu la zotta 'manu,

crisciutu a la furtura d'un stratuni!

Sentu la vuci, sentu li cianciani,

lu trangulu c'annaca la canzuni

e l'ecu si la porta pi li valli.

D'arbi e di suli comu 'mbriacatu,

lenti li retini e fai lu pinnicuni,

lu fidu cavadduzzu 'mpinnacchiatu

passa li fossa, scansa li pitruni,

ti porta nachi nachi pi la strada.

Di lanigghi e spicchietti 'ncurunatu

tira cu orgogliu lu trufeu anticu,

o carru di la storia pitturatu,

cavaddu chi di l'omu fusti amicu!

Spartivi li pinzeri duci e amari,

tinivi supra lu pettu lu gran pisu.

Si all'acchianata anticchia arripusavi,

pigghiannu ciatu sempri malumisu,

scruscia la zotta, signu d'avanzari:

scattavi a 'du cumannu e ripigghiavi.

Li petri ti tagghiavanu li peri,

ma tu sintivi dintra lu to cori

la vuci duci di lu carritteri,

chi la to vita era, lu to cori.

MARIA FAVUZZA

IL SASSO

La persona distratta vi è inciampata.

Quella violenta, l'ha usato come arma.

L'imprenditore l'ha usato per costruire.

Il contadino stanco invece come sedia.

Per i bambini è un giocattolo.

Davide uccide Golia

e Michelangelo ne fece la più bella scultura.

In ogni caso, la differenza non l'ha fatta il sasso, ma l'uomo.

Non esiste sasso nel tuo cammino

che tu non possa sfruttare per la tua crescita.

ANONIMO

L'ANIMALI SOCIALI

Tutti l'animali, dici la scienza,

si associanu pi la cumminenza.

A natura i patti ci fa fari

e tutti poi a na rispittari.

Ma ci ne unu, ca avi qualcosa di speciali,

tutti dicinu ca è "sociali".

St'animali però a ta sapiri

è l'unicu ca s'associa pi trariri.

Si rici ca avi a cuscienza,

ma ci funziona sempre a cumminenza.

L'amicizia nun cunta pi st'armali,

eppuru, si dici ca è "sociali"!

È l'unico ca havi intelligenza,

di l'animali è l'unicu ca pensa!

Ma u munnu sta distrurennu alleggiu alleggiu

e ancora a veniri u cchiù peggiu.

Ammazza e spara macari ppi nenti,

e chistu è l'animali intelligenti.

ALFREDO OSSINO

I SODDI

L'omu cerca i soddi 'nsichitanza

cummintu ca sunnu di ranni 'mpurtanza.

Tutta a vita i cerca cu affannu,

ma di truvalli, nun sapi mai quannu.

Quasi sempri sta ricerca è senza fini,

ma a spiranza, ci rinasci tutti i matini.

Ogni tantu, però c'arrinesci

e picca ci manca ca pazzu nesci.

Si n'adduna, passatu u primu mumentu,

ca sulu ora, 'ncumincia u veru turmentu.

'Nta testa hanu aumintatu i pinseri

ca mancu a notti dormi e s'arriseri.

Pi prima cosa pensa su a sabbari,

qual'è a megghiu cosa pi falli fruttari.

"Ora i mettu a banca e pigghiu l'interessi,

ma ca svalutazioni, cò tempu su pessi!

Ora cercu di l'amici u cunsigghiu!

... Ma forsi è megghiu ca nun u pigghiu!

Forsi, spinnili è a vera soluzioni,

... ma poi, tornu 'nta vecchia situazioni!

E su mi scippunu i dilinquenti!"

Macari stu pinseri, ci furria 'nta menti.

" Pirchì m'attruvari 'nta sta situazioni,

ca ci pensu e nun trovu a soluzioni?

Era megghiu su nun aveva nenti,

ca almenu cueta aveva a menti.

Cuntintizza i sordi mai hanu purtatu

a cu di nicu nun c'ha statu abituatu.

Acchiù nun mangiu 'nta lu iornu,

e tutta a notti nun pigghiu sonnu.

Tantu a disidiratu 'sta ricchizza,

ma chi pinseri a divintatu 'na  munnizza".

ALFREDO OSSINO

L'ESTATE CI HA LASCIATO

Estate,

ti saluto,

con le tue belle giornate,

ci hai fatto andare al mare.

Estate,

sei bellissima,

perchè te ne sei andata?

Ricordo quando giocavo,

co la sabbia morbida e finissima,

Mi ricordo anche di quei gabbiani,

che giocavano contenti,

io li guardavo con felicità.

Mi ricordo quando avevo costruito un castello,

con le onde a poco a poco è svanito,

così come sei svanita tu.

Ciao estate,

al prossimo anno!!

PIER NICCOLÒ

L’HABITAT E LA RACCOLTA DEI PORCINI

Affinché il Porcino possa nascere e crescere devono verificarsi delle precise condizioni meteorologiche, in particolare è necessaria un’abbondante pioggia, e di seguito alcune giornate di sole, possibilmente senza vento secco, per non asciugare eccessivamente il terreno. Se il terreno era molto asciutto prima delle piogge, sarà necessario attendere dai 7 ai 15 giorni affinché i primi Porcini possano fare la loro comparsa. In seguito per mantenere costante la produzione, la variabilità del tempo gioca un effetto positivo: rapidi acquazzoni seguiti da giornate di sole sono le condizioni ideali. Verificatosi queste condizioni non si parte di primo mattino nell’intento di arrivare in tempo sul posto per non farsi battere dai “concorrenti”, sempre nella convinzione che i funghi siano spuntati nel corso della notte. Sicuramente le ore più adatte per la ricerca sono quelle della tarda mattinata e primo pomeriggio che presentano, rispetto a quelle del mattino, almeno due vantaggi: Condizioni migliori di luminosità. Condizioni più idonee del terreno; nella tarda mattinata sia l’erba che il sottobosco hanno perso la rugiada, il terreno è più asciutto e non c’è il rischio di inzupparsi le ginocchia, gli stinchi o la schiena ogni qualvolta si passa vicino ad un cespuglio. Gli stessi funghi si presentano in condizioni migliori per essere raccolti. È buona regola guardare sotto ogni albero, aggirandolo e facendo molta attenzione ad ogni tipo di rigonfiamento sul terreno: aiutandovi col bastone smuovete le foglie con pazienza, guidati sempre dalla speranza di poter trovare il nostro amico gradito. Attenzione: non aiutatevi mai solo con le mani perché al posto di un amico gradito potrebbe essercene uno sgradito (serpente o altro…). Appena trovate un fungo non toccatelo con le mani se non ne conoscete la specie, assicuratevi prima della sua bontà ed in caso contrario lasciatelo stare (non rompetelo, ne calpestatelo perché, anche il più piccolo essere vivente, contribuisce all’equilibrio dell’ecosistema). Nel caso in cui il fungo non sia velenoso, raccoglietelo e aiutandovi con il coltello pulite per bene la base del gambo in modo che la terra, il micelio e le altre sostanze depositate su questo possano cadere, così da non incidere sulla prossima nascita. Il consiglio che vi do' è quello di raccogliere solo  ed esclusivamente i funghi di cui siete sicuri della loro commestibilità. L'habitat ideale è principalmente il bosco di latifoglie e conifere, come castagni, querce, faggi ecc. Il periodo più abbondante , fine estate e primi d'autunno, subito dopo le prime piogge.

SURRISU RICCHIZZA E PARADDISU

U surrisu, è ricchizza di l'omu

n'à ricchizza c'ognunu po aviri

un poi diri: L'ù fazzu ma comu

l'ù poi fari: e poi dari piaciri.

Si ti riri l'ù labbru nn'amuri

fà di rosa, pi fina l'u diri

si l'ù cori, nni gusta sapuri

tanta gioia c'ognunu ci criri.

Nno' labbru c'è tantu putiri

siddu l'à vucca, surridiri fà

ti poi crisciri puru i rispiri.

Poi ridduciri 'ì mali, a mitta'

si lu labbru e di duci surrisu

viv'ù munnu, da veru MAISTA'.

PAOLO RUGGIRELLO

MARI D'ASTASCIUNI

Mari: tu ni fai viviri cuntenti

'nna bidizza duci spumiggianti

sai dari lu cori a tanta genti

'u populu ti trova 'ntirissanti.

L'estati porta tanti cuncurrenti

un populu armuniusu spasimanti

friscura c'arrial'à nostra menti

fa cù pueta 'nni scriviu sti canti.

E' maravigghia stu suli splinnenti

ti scava, e ti fa sentiri 'mburtanti

L'ì carni stisi .......... è quattru venti

'u mari: è l'amicu spumiggianti.

Omini e donni strincinu  l'ì renti

cu stu beni "Di Diu"  cavi davanti

puru si pi natura: si 'mputenti

ai sulu d'agghiuttiri 'mmacanti.

'U mari, e l'astasciuni 'nnarriala

l'ì vogghi 'nni l'ì sapi sudisfari

spunta l'u suli, sona la campana

nuddu e nenti ti pò cuntrastari.

Grazzi all'estate fai na vita arcana

stu piriudu nun lu poi diminticari

stu mari na larghissima funtana

'u tempu nun l'ù viri di passari.

Mari e suli: nun poi diminticari

crisci lu cori, fai 'nna vita sana

u mari sapi a tutti accuntintari

'u travagghiu pi nenti l'alluntana.

Grazzi all'estae fai na vita arcana

una ricchizza c'unzì pò accattari

'u pueta rima pi tutta la simana

mari e suli ......... 'nni fannu campari.

PAOLO RUGGIRELLO

CUNSIGGHIU

E lu cunsigghiu pigghialu di tutti,

e di n'oricchia senti e dun'occhiu vidi;

nu cunfidari  li tò cosi a tutti

chi nun su tutti l'omini fidili;

tu vidi chi li tempi su currutti,

socc'hai 'nta la menti 'unni lu diri;

si voi purtatu rispettu di tutti

fa finta chi nun senti e chi nun vidi.

ANONIMO

NOTTI

Notti ca scinni cheta e silinziusa

disiata tu veni all'arma mia!

Quannu si 'chiara o quannu si 'scurusa

sempri la benvinuta dugnu a tia.

Oh! Quantu tu ppi mia si ' priziusa

ca l'estru svigghi a la me fantasia

la to calma profumata e maistusa

fidili e duci mi fa cumpagnia.

Amica notti, quantu mi piaci

na li to ' vrazza lu 'nsumari è duci

ca mi circunnu d'ummira e di paci.

Mi fai 'risumari rosi e tanti ciuri

mentri c'all'alba ccu la nova luci

trovu la vita ccu li so duluri!

Graziosa Casella

LA CASUZZA DI LI SETTI CIATI

Setti rispiri dintra 'na casuzza

si spartinu lu lettu

e lu panuzzu.

Lu cagnuleddu curri,

fa lu jocu

assemi a li mizzuddi

ed a Pippuzzu

e allera lu silenziu di la strada.

Lu suli ucchiulia

'ncapu la porta.

La corda e la furcina

sta a lu muru.

La matri stenni 'robbi .....

Mentri l'aria di nuvuli lu suli fa chiù scuru.

Poi un scrusciri di piatta

e cucchiareddi,

un sbattiri di 'robbi

ammazzunati.

MARIA  FAVUZZA

VIVA LA SICILIA

Cu' voli puisia vegna 'n Sicilia,

Ca pòrta la bannera di vittoria;

Li so' nnimici nn'avvirannu 'nvidia,

Ca Diu cci  desi ad idda tanta gloria,

Canti e canzuni nn'havi centu mila

E lu pò diri ccu grannizza e boria.

Evviva, evviva sempri la Sicilia,

La terra di l'amuri e di la gloria.

Anonimo

SICILIA PI TUTTI ............

CARRETTU SICILIANU PARATU PA' FESTA

Viniti a viriri vui la me Sicilia

china di mura antichi e di culonni rari

ca sunu a loria i lu passatu magnu.

Di 'cca' passanu i greci e i saracini

ci vinniru i rumani, l'arabi e i nurmanni;

chiurenu li spagnoli e arristanu li taliani.

Nui semu amabili, curtisi e uspitali

chini di mitu sacru e di sfurtuna

e sulu fora truvamu lu travagghiu e i lagrimuna.

Lu cori lu lassamu arreri

p'arriurdari a terra e i munti cu lu mari,

unni lassamu lu veru gran trisoru.

L'orgogghiu ca 'nni' macina la menti  supraffina,

vi purtau luntani, me cari cittadini,

ma ora chiamu a tutti prisenti, e  ... sull'istanti.

A terra nostra è lu caluri di 'll'amuri veru:

Vinitilu a pruvari vui prima di muriri

lu trimulizzu ca pigghia o vostru cori

... satannu 'nna' la navi o prima di sbarcari.

GIUSEPPE ALIBRIO

LA VICINA SCUNCICUSA

Quantu è scuncicusa sta vicina

tutti li jorna mi veni a 'nzurtari

mi dici m'arraspa la carina

ca chi manu nun mi pozzu arraspari.

Si m'arraspa quannu mi cattigghia

la testa l'aiu vecchia e nun s'impidugghia

iù pozzu essiri lu patri e tu la figghia

picchì mi cunti a favula d'avugghia.

Comu fimmina si troppu bedda,

nun putemu iucari cu lassa e pigghia

lu sai chi dicissiru 'nta sta vanedda

stu vecchiu si misi cu'a picciuttedda.

Da testa levatillu stu pinzeri

a lu jornu  nun venimi a'nzurtari,

cercati u surdatu bersaglieri

e sta carina ti la fai arraspari.

Anonimo

LA SARVIZZA DI L'ARMA

'Na matina mi fermu ad ammirari

Mastru Cola, chi fa lu fallegnami.

Lu lignu ch'iddu stava pi piallari

Lu vutava e sbutava a la sirrami.

Un corpu po' ci dava cu un scarpeddu,

Pi fallu addivintari un casciuneddu.

S'avia susutu prestu 'dda matina,

Chi prescia ci facia donna Cecè.

Ed iddu, ch'avi  menti saggia e fina,

Li porti nun li fa pi com'è ed'è.

 S'accuntenta di fari sacrifizzi;

Ma li porti nun hannu a aviri vizi.

Cì 'nsigna all'operai cu la saggizza

Chi li sirvizza assai su' chiddi boni.

Lu dari santamenti è 'na sarvizza

Di l'arma chi cu Diu sta 'n cumunioni,

E c'è cu 'nveci curri e fa li 'nbrogghi:

Sulu sordi e nent'avutru arricogghi.

SEBASTIANO BENENATI

DDA PAROLA .....

'A vita è 'na guerra di paroli

C'è cu li usa comu li pistoli

 Cu n'avi picca e li teni 'n piettu

Cu si curca cuomu fussi liettu

M ch'è bella dda parola sincera

Ca spunta 'u suli da primavera

Ch'on  t'a spittavi tu ccussì priziusa

Cuomu 'na carizza, ma amurusa ...

'U cori s'a pigghia e la rimanna

Lu midiusu la senti cunnanna

La pirsuna bedda ni fa tisoru

Crisci  di valuri chiossai dill'oru.

E quannu riva l'ura di muriri

Ca ni tocca  iri di lu Signuri

"Vidiemmu cuomo parri" ni dumanna

" La parola o puostu to ti manna"

E di ddu mumentu nun pò mmintari

Farfantarii nun si puonnu diri,

Ti nesci dda parola do to cori

Ca ti ci misi di ddi primaveri

Dd'amicu  caru cc'a so cantalena

Ca di tia si pigghiava pena:

Appena la pronunci lu Signuri

Ridi ca ti nisciu da vucca un sciuri.

Giuseppe Messina 

U POLITICU CA VULISSI

A politica, si sapi è disgraziata

E a genti 'mmalirici a cu l'ha invintata.

I politici pensunu sulu e cazzi soi

E campari bonu tu  nun poi.

A spiranza pi nui è sempri a stissa

Ca ci fussi unu ca pensa pi stu fissa.

Ju, ni vulissi unu ca nun fa raccumannazioni,

ca sulu pi mia facissi n'eccezioni.

Ci ni voli unu ca nun fa compromessi,

Ma ci dugnu u votu, su fa li me interessi!

Onorevoli, lei nun s'ha occupari di affari!

..... A propositu, pi l'appaltu ca ma vo procurari?

Lei s'ha occupari dei bisogni da le genti!

Ma .... su cci dugnu u votu, nun mi duna nenti?

Ju, si sapi, votu sempri  cu cuscienza,

sulu a cu mi  favorisci  do la prifirenza.

Matrovu sempri disgraziati,

ca macari cu l'avidi fannu patti scellerati.

Onorevoli, favurissi sulu a mia e nun si sapi nenti,

lassa stari a l'avidi ca su un pugnu di delinquenti.

Cu tutti a essiri precisu e misuratu,

tranni cu mia, ca mancu t'ha vutatu.

Alfredo  Ossino