Eu sugnu un omu chi nun sacciu nenti
e tantu francu un sugnu di parlari
ma vi lu ricu a tutti, bona genti,
di nichi e granni iri a travagghiari.
Eu vi cusnigghiu d'essiri prudenti
e comulu attu e lu corvu nun fari,
arrisittativi li sintimenti
siddu chi 'npaci vuliti campari.
Eu sugnu natu 'nta 'stu feu di Scanza
e haiu crisciutu 'mmezzu a li svinturi,
vulennu stari a centu di valanza
m'haiu affannatu cu stentu e sururi,
mantinennumi a un migghiu di distanza
di l'omini birbanti e tradituri
e Diu m'assisti e mi runa abbunnanza
e ccà vi lassu mei cari signuri.
FONTANA ANTONINO
Nessun commento:
Posta un commento