Un surciteddu, na la sirata,
davanti lu me purtuneddu
si facia ‘na passiata…….
Iu, comu sempri, mi scantai,
arristai ferma, nun l’assicutai……..
iddu, invece, tuttu si priava
e sutta li machini scumparia,
e poi spuntava………
Arrivatu all’angulu di la strata,
mi parsi chi mi detti ‘na taliata.
E, tuttu scattiusu
Pigghiannu la parola,
mi dissi: “sugnu curiusu,
lu munnu è la me’ scola…….
Sugnu modernu puru iu
E, a la vista di genti,
nun fazzu chù: “ ziu! ziu! “
Tu nun mi fai chiù scantari
E la me’ vista haj a suppurtari……
La lurdia chi è tutta strata strata
Mi permetti ‘mezzu a la genti,
di fari na passiata.!
Buscaino Maddalena
Nessun commento:
Posta un commento