Quannu sciroccu sciuscia di matina,
Scanzatini, Signuri, chì quarura !
Si passa la jurnata china, china
a suppurtari cauru e surura.
T'agghiutti purvirazzu e la pagghiuzza
chi vola tuttu 'ntunnu, si camini
e si 'un ti ripari ca' pitruzza
tutti li dui occhi ti ruvini.
Come è bruttu lu ventu sciroccu !
Tu ti nni voi starì 'nchiusu 'ncasa.
Si voi ascutari a mia, 'un sugna loccu:
Affrunta 'stu vintazzu chi t'ammasa !
Chissa è la fimmina, si s'arrabbia,
sciroccu e purvirazzu tuttu 'ntunnu
e cu 'un si l'agghiutti o si scanzia
arresta allampanatu notti e jornu.
Vito Ruggirello
Nessun commento:
Posta un commento