O PRIMA O DOPPU S'AVA A PAGARI

'Na vurpi ch'era matri addivintata

p'a li so figghi purtari a mangiari,
tìnìa 'ntimpesta tutta la cuntrata
e 'un facia addini cchìù arrignari.
Spìss'era di li cani assicutata
essennu furba 'un sì facia acchiappari,
ma si scantava d'occhi scupittata
quannu la notti ia a arrubbari.
Ci rissiru li figghi 'na jurnata,
___ Mamma stà notti soccu nì pripari?
Idda ci arrispunniu murtificata
___Figghi aìu tanti debiti a  paari
e quannu nesciu e sugnu pi la strata,
'un sacciu chiddu chi pozzu 'ncuntrari.
La vita 'unnì l'aìu assicurata
e si 'un tornu 'un m'aviti aspittari
picchì eu li così li pigghiu a crirenza
e 'un sacciu lu putiaru soccu penza.
O tardu o prestu arrìvìrà lu jornu
chi quannu chi li pagu ccà nun tornu.
Fontana Antonino