'Na picciuttedda avia 'na tuppa nova,
pulita la tinia bona sarvata,
sennu decisa di mettila 'nprova,
la chiavi la vulia senza usata.
E cu giuriziu un picciutteddu attrova,
pi tenici la toppa allicchittata,
e chiusi tutti dui dintra 'n'arcova,
si ficiru 'na bedda trippiata,
cu veru affettu chi si chiama amuri
appi fatta la festa e lu favuri.
Mentri ora cu 'sti epuchi canciati
li tempi sunnu tinti e scannalusi
li tuppi 'un si li tennu cchiù sarvati
e sfermanu spissu e primurusi.
Si nni trovanu assai toppi sfasciati
pi curpa di li chiavi rancitusi,
ci nni sù 'nta li spiaggi e 'nta li strati
chi sù di stari nuri abbisugnusi.
Amici, ccà mi fermu di parrari,
l'epuca è chissa e n'amu a cunurtari.
Fontna Antonino
Nessun commento:
Posta un commento