Mulinu vecchiu, quasi sdirrubbatu,
Chi un tempu macinavi lu furmentu!
Dimmi tu stessu, cunta lu passatu,
Quannu la genti nun ti dava abbentu.
Facivi bonu lu tò macinatu,
Firriannu cull'acqua e cu lu ventu.
Ora si 'ntra li spini abbannunatu,
E lu rumuri tò cchiù nun lu sentu.
Cu la farina chi fina niscia,
Bianca comu la scuma di lu mari,
Lu pani 'nta li casi si facia.
Lu pani tò era duci di manciari.
Ora, a 'sti tempi, nuddu ti talia.
O mulinu, nun poi cchiù travagghiari.
GIACOMO RISICO
Nessun commento:
Posta un commento