Cangiati di cursa 'ssa pannizza,
omu bestia, loccu e babbasuni.
Nun c'é chiù tempu ca sasizza
pì cu' nasci e crisci picuruni!
Pi sentiri di menu l'amarizza,
ragghi comu sceccu a lu vadduni,
pirchì c'é cu' spissu t'accarizza
'ssa facci di scemu a timpuluni.
Si diventi grandi deputatu,
pigghiannu di voti 'nu quintali,
nuddu c'é pi nenti siddiatu:
Sempri sceccu, pezzu d'animali,
tu resti da tutti calculatu,
cu tantu di bastu e di tistali.
PIPPO NASCA
Nessun commento:
Posta un commento