LUNARIO

Calendario lunare

Calendario-365.it

STRATUZZA MIA

Stratuzza mia tu sì tantu bedda

pi li casuzzi chini d'alligria,

pi li to ' sciuri avanti ogni vanedda,

pi l'aria ca d'attornu ti firria.

'Ntempu d'estati, di sira a la friscura,

cu tantu  oduri comu in primavera,

li vicineddi 'nsinu a tarda ura

stannu assittati a la vecchia manera.

Lu me passatu mi fai ricurdari

stratuzza mia di un tempu chi fu,

quannu filici iu stava a jucari:

ora canciavu, ma nun canci tu

e 'nvanu speru 'nn'arreri turnari,

ma lu passatu nun ritorna cchiù.

GIUSEPPE NICOLA CILIBERTO

SICANIA BEDDA

Sabatu sira Diu lavàu li manu

stancu, cu lu duluri nni lu schinu,

ca dannu vita a l'universu sanu

ci travagghiò se'jorna di cuntinu.

'Na  nuvulidda si furmò divanu,

e 'na stidduzza addivintò cuscinu,

'u suli cupirtedda di Buranu,

'a luna linzuleddu mistu linu;

lu ventu fici 'a vuci di supranu,

lu mari pizzicò lu minnulinu,

'ntunò l'arcubalenu'u marranzanu,

fici di prima 'a terra cu viulinu;

poi l'angiuliddi e stu cuncertu arcanu

cantaru 'a ninna nanna a lu Divinu

ca pi dda vota fu n'essiri umanu

durmennu tutta 'a notti a sonnu chinu.

Appena si svigghiò nni lu matinu,

ci parsi c'hava fattu 'n sognu stranu,

pinzò di cuntrullari ddà vicinu

e in ogni locu 'nta lu munnu sanu;

c'era 'n puntinu 'n mezzu di lu mari,

ca sulu iddu lu putia vidiri,

ddu sognu 'ncuminciò a divintari

'na terra tutta 'nciuri a nun finiri;

sintènnu tanti raffinati oduri

dda meravigghia la vulia capiri,

taliannu tutti 'nsemi ddi culuri,

l'Onnipotenti nun sapia chi diri,

chi paraddisu! Fu chiddu ca pinzàu,

nun pari veru a mia ca sugnu Diu;

ci fici 'na carizza e la vasàu,

cu l'acqua di lu mari 'a binidiu.

Poi dissi cu la so pussenti vuci,

Sicania ti vattiu, terra d'amuri,

unni ogni cosa nasci e riproduci

li megghiu frutti e profumati ciuri

e vui sicani ca li figghi siti,

vi raccumannu, nun la ruvinati!

Guditivilla mentri ci l'aviti.

Nautra matri? No … nun la truvati

     SANTO GRASSO

TERRA DI SICILIA

'Na pala di ficudinnia spinusa,

'na pagnuttedda di pani di casa,

'na pampina di zagara adurusa,

'na tavula di ficu sicchi rasa.

'Na picuredda ca l'irbuzza annusa,

un carritteddu ca tra lu fangu 'ntasa,

la terra nostra cu vesti di spusa,

mentri lu suli l'accarizza e vasa.

GIUSEPPE NICOLA CILIBERTO

L'INFINITO

Sempre caro mi fu quest'ermo colle,

e questa siepe, che da tanta parte

dell'ultimo orizzonte il guardo esclude.

Ma sedendo e mirando, interminati 

spazi di là di quella, e sovrumani

silenzi, e profondissima quiete

io nel pensier mi fingo, ove per poco

il cor non si spaura. E come il vento

odo stormir tra queste piante, io quello

infinito silenzio a questa voce

vo comparando: e mi sovvien l'eterno,

e le morte stagioni, e la presente

e viva, e il suon di lei. Così tra questa

immensità s'annega il pensier mio:

e il naufragar m'è dolce in questo mare.

GIACOMO LEOPARDI

TEMPU DI ELEZIONI

Semu in pieno clima di elezioni

e vidu un curri curri 'nti li strati,

si fa campagna in tutti li rioni

pi fari li nuvelli diputati.

Chisti sunnu elezioni regionali

di la Sicilia nostra disulata,

china finu a lu coddu di cambiali

cu tanta genti ch'è fora emigrata.

Li candidati sunnu a vrazza aperti

quannu 'nni vennu a chiediri li voti,

prumettinu a li babbi e a li sperti

ma sti prumussi sunnu a tutti noti

La sciarra è pì la cutra e lu sapemu

pi sèdiri 'nta 'na 'mpurtanti seggia

ma quannu po' a prigalli 'ni nni emu

ristamu fissa .... fora di la reggia.

GIUSEPPE NICOLA CILIBERTO

AUGURI BUONA PASQUA 2017

Vi auguro di tutto cuore che la luce della 

resurrezione di Gesù Cristo, possa

portarvi pace e amore anche in questo

mondo provato da innumerevoli dolori.

Aprite il vostro cuore

 all'infinito amore del Signore.

BUONA  PASQUA

LA PACE

Non importa chi tu sia,

uomo, donna,

vecchio o fanciullo,

operaio o studente,

o commerciante:

se ti chiedono

qual è la cosa

più importaante

per l'umanità

rispondi

prima 

dopo 

sempre

la pace, la bontà.

LI  TIEN  MIN

LINGUAGGIU SICILIANU

Trovu giustu stu dialettu

teni un gustu supraffinu

linguaggiu assai perfettu

chi rallegra l'u' fistinu.

S'è parratu cu rispettu

senza usari, ù ripitinu

duci e' privu di difettu

si ringrazia lu DIVINU.

Sciv'è cantu stu dialettu

mi vantu d'essiri sicilianu

ù trovu dignu di rispettu

a'mmia: battinu li manu.

E mentri scrivu sati jettu

cu rispiri ....... di vurcanu

m'à nutricu nni lu pettu

un'artaru e' un sagristanu.

Stu dialettu mi cunnuci

a fistiggiari cu l'amici

fazzu D'ORU l'à me vuci

ralligratu dicu: e dici.

Unn'è focu chi t'abbruci

e t'alluntana l'ì 'nnimici

'nni sulleva di la CRUCI

e sapi farinni ..... filici.

E parrannu stu linguaggiu

usu 'nna parola Arcana

e p'a' vita mai la cangiu

mi sa fari l'a' mammana.

Gia' chi trova l'ù vantaggiu

pi chista simpatia umana

l'à sìminu a largu raggiu

sta biddizza "SICILIANA".

L'a' parranu in'AMERICA

e 'nni tanti, autri paisi

a nuddu sapi farà prerica

sunnu paroli assai cùincisi.

Nuddu mai si rammarica

siddu a' parri nun fai spisi

lamenta cunn'àpprerica

picchi sura ddu cammisi.

Chista lingua siciliana

ti sapi parrar'o' munnu

luci comu 'nnà cullana

sutta di stu suli biunnu.

Parrari sta lingua Arcana

nuddu mai si senti tunnu

e' una alleghira campana

stu sònu, parra ò munnu.

PAOLO RUGGIELLO

LA DISA SI 'NFASCIA CU LA DISA

Turi "Sganghettu", chìanci rispiratu

 d'essiri nun crirìa malassurtatu

spusau la figghia cù Peppi "Fannulla"

omu chi tuttu 'u jòrnu si trastulla.

Un vili e tammurìnu bonu a nenti

abbili a fari sùlu 'u strafuttenti

si cc'è ri travagghìari s''a sparanza

comu sol dirsi, hàvi ossu 'nna panza.

Turi 'u sapia però avia spiratu

di villu roppu spùsu sistimatu

certu 'un avissi aisàtu mazzacani

ma s'avissi abbuscàtu un tozzu pani.

La figghia, mantinùta 'nna l'ovatta

prova 'sta ''nubbirtà'' e si cc'adatta

'sta donna ch'era còsa ri vitrina

cu Peppi jiu a finìri rintra 'a trina

Prestu si misi a fàri 'a strafallaria

letta scunzati, càsa a gamm'all'aria

tuttu lu jornu stàva a chiacchiariari

passava 'u tempu cù li so cummari.

Pi cucinari pèggiu ri 'na schiappa

cucinava la pàsta a ficacchiappa

la carni fritta ccì vinia arrustuta

sicca 'a sasizza oppùru arripuddruta.

'Un era bona fimmina di casa

ma bona era pi fàri u vasa vasa

ammatula  chi Tùri chianci 'a figghia:

nuddru si pigghia s'ùn s'àrrisimigghia

L'irvazza tinta stà cu la mal'erva

si 'ntrizza, fà patrùna e fà la serva

comu spissu succèri c''a 'ramigna

tuttu 'u tirrenu, rùnni crisci, 'ntigna.

Si 'nfila 'nno tirrènu cultivatu

runni lu zappa avia già zappatu

e propriu quannu pàri chi si stracqua

ritorna a galla còmu ogghiu nall'acqua.

Lu viddranu cuntìnua a darci 'n sutta

ma 'sta mal'erva è donna currutta

s'ammisca chi so' pàri li pirocchi

distruggi: rapi, càvuli e finocchi.

'Sta malatia nun sì pò scattivari

nun cc'è dutturi ch''a sapi curari

havi li setti viti comu 'a 'atta

appena 'a tagghi, sùbbitu, ti scatta.

Havi p'amica strìtta la zizzania

mentri dorminu ccì veni la smania

e 'un su capaci mài di ripusari

pinzannu o' mali chì hannu ri fari.

La zizzania è èrva rinomata

si cc'è iddra cc'è ri canciari strata

fa divintari là meggh'erva tasciu

e si nni fa ri tùtta l'erva un fasciu.

Quannu 'na manu cù 'n'autra si stringi

si puru lorda è l'autra si tingi

immeci si la mànu 'unè 'nzivata

nesci pulita, c'à manu lavata.

Allura si a pirsùna è cumpita

stringi la manu a cù l'havi pulita 

mentri si la pirsuna è balorda

runa la manu a cù cci l'havi lorda.

E si raccunta chì un patri e un figghiu

jeru a tagghiari dìsa ad oltri un migghiu

muntaru 'na muntàgna viola viola

e cunsumari rì scarpi 'a sola.

Quannu arrivaru s'àppiru a sbrazzari

e accuminciaru là disa a tagghiari

miteru, senza sosta,  'na jurnata

poi cuminciaru a mèttila 'nfasciata.

Lu figghiu  rici 0' pàtri: - ora taliamu,

'un avemu purtàtu mancu un liamu!

comu, cu' va a metiri, si scorda

di purtarisi apprèssu 'anticchia corda?.-

Lu patri rici o' fìgghiu: - sbarbateddru,

'mparasti a comu usàri lu cuteddru,

ti 'mparasti a 'ncugghiàri la cammisa,

'mpara ch''a disa si 'nfascia c''a disa.-

VINCENZO ADAMO

O SAN GIUSEPPE

O San Giuseppe, tu santu mischinu,

cu lu vastuni chi tinivi 'n manu

Gesù l'accumpagnasti ntò caminu.

Si patri di gesù e di la natura,

si patri di li giusti e 'ì piccatura,

tu chi beatu si, c''u to surrisu,

li figghi to' accumpagna 'n mparadisu!

Dinanzi 'st addubbatu e anticu altari,

ch''a genti a massa veni a visitari,

c'è cu addumanna 'a grazia cu disiu

e c'è cu inveci già l'arriciviu .....

ma  'un c'è pirsuna chi visita a tia

 chi cu gran vuci e fidi nun vucia:

VIVA GESÙ E GIUSEPPE CU MARIA!

ANONIMO

A BACIS .... A MINNIS .... A FIGGHIS ....

( Cu' p''i figghi la vita s'ammazza

merita rutta la testa c'a mazza ...)

                                 
Peppi Trizzeddru, gràn lavuraturi

era sempri assuppatu ri sururi

niscia 'u sali, si nnì jia a rimunnari

facia 'a conza ri màju, jìa a putari.

A lu spuntar d'ù sùli iddru nun cc'era

partia la so jurnàta matinera

picchì si matinèra è l'arzata

e quasi fatta ormài tutta 'a jurnata.

Stancu la sira e chìnu ri dulura

la mogghi 'u cunsulàva cu primura

pi cena un piattu di pasta c'a sarsa

senza sicunnu, 'nà cena a la scarsa.



Pani e cipuddra là so culazioni

qualchi sarda salàta a l'occasioni

'na vita tutta intènta a lu sparagnu

ch'era l'unica fònti ri varagnu



Avia fattu la prìma elementari

pallava a stentu e nùn sapia firmari

so mogghi chi parìa 'n'asina leta

lu titulu cc'avìa r'analfabeta



S'ammazzava pi lù figghiu e ricia

-'un havi a fari a stìssa vita mia

lu varagnu sarà finalizzatu

pi fallu risultàri r'avvocatu



Pi strata venirrà ossequiatu

''salutamu carìssimu avvocatu!''

''chissu è figghiu rì Peppi Trizzeddu''

ddrocu tutti a livàrsi lu cappeddu,-



Cu 'sti pinzeri cc'ì pirdia lu sonnu

travagghiava la nòtti e puru 'u jornu

spirava, sulu, vìllu arrinisciutu

e tuttu fora ormàr''u riugghiutu



Li scoli vasci ' i fici senza affannu

sempi promossu nùn persi mai un annu

quannu cci fu 'a tiràta ri li cunti

vinni promossu c''ù li megghiu punti.



Pi lu patri, lu figghiu era avvucatu

sulu a pinzallu si sintia eccitatu

si nni jiu a fari li studi a Bulogna

e cumminau lu Diu ri la vriogna.



A Bulogna truvàu lu diversivu

si misi a fari prèstu 'u lavativu

anatomia sturiàu, chiddra pilusa

e l'autri sturi 'i fici a la rinfusa



Scrissi lestu a lu pàtri pi li sordi

ricennu: -li rùra ti li scordi -

finia poi: metti lù curuzzu in ''pacis''

li sturi vannu avànti, semu a '' bacis ''



Lu patri giuja_a lèggiri latinu

'mmiacatu s'avìa ma senza vinu

tutti li sordi chì poi varagnava

a lu figghiu a Bulògna cc'i mannava.



La prima parti già l'avia 'mparata

p'un scurdalla facìa la ripassata

passau prestu a lu stùriu successivu

materia nova: pràttica dal vivu



La zzita era 'na fimmina ri munnu

lu facia priari sènza jiri 'n funnu

cci facia sturi rì minna tastata

qualchi vasuni, pòì, ripassata



Roppu tri misi scrìssi a patri e matri

ricennu: - 'i me' pinzèri su ' pi vuatri

picchì sacciu chi vì sacrificati

pi mannari li sòrdi chi mannati.-



Li sturi scrivia chì cci jianu avanti,

trattavano argumènti 'nterressanti

chi li scritti facìa cu ''lapis e pinnis''

e pi finiri: - sùgnu juntu a ''minnis'' -



Peppi Trizzeddu misi a fari 'mmrogghi

anchi si ghia a patrùni puru a'a mogghi

ma cu 'sti sturi tàntu 'nteressanti

cci vulianu ri chiù sordi sunanti



Lu figghiu continuàu cu li so sturi

e ripitianu cù la zzita nuri

vinni u mumentu ri jiri chiù funnu

ed assartari rì la zzita 'u cunnu



L'assartu a prima bòtta arrinisciu

a lampu 'a zzita pòi si cumminciu

anzi ricemu ch'èra già cumminta

cci fu però lu dannu chi sciu 'ncinta



Scrissi a so patri dù' righi cuntati

chi l'esami ormai l'avia urtimati

c'arristava però chiddru ri statu

l'urtimu sforzu p'essiri avvocatu



'U patri, comu un scèccu, cci criria

felici chi lu figghiu arriniscia

ricia: - pi mia su' l'urtimi surura

arrinesci avvocàtu e va 'n pretura. -



La zzita, fattu 'u tempu, parturiu

un masculiddru e lù chiamau Piu

lu figghiu scrissi arrè comunicannu:

- la lauria mi la rùnanu entru l'annu -



È lu momentu rì stringiri ' ì renti

e ri cogghiri ' i frùtti ri li stenti,

li surura su' ghiùnti 'nne ''cavigghis''

abbia ri sturi sùgnu juntu a ''figghis''



Roppu decidi ch'è megghiu turnari

porta la zzita ch''unpò cchiù lassari

patri e matri arrèstanu alluccuti:

- Eccu pi lauria, lù vostru niputi. -



Lu patri scopri sù lu ora lu 'ngannu

di soccu stavia sò figghiu sturiannu

tuttu 'u munnu cci gira a l'arriversa

ammatula suràu, 'a causa è persa



S'avia jucatu tùtti li so'carti

lu figghiu è senz'àrti e mancu parti

di tanti affanni pì villu 'n pretura

cc'arresta 'a gioja ri 'na cr'iatura



'Nna facci si cci stàmpa lu scunfortu

s'avissi cuntintàtu essiri mortu;

cu' pi li figghi là vita s'ammazza

merita rutta là testa c'à mazza.

ANONIMO

U GALATEU 'NFAMIGGHIA

'I vucabuli chi sustennu la famigghia

su' .... l'amuri, l'umiltà e l'u' surrisu

a' matina quannu l'omu s'arrisbigghia

e' un'Angiulu crisciutu 'mpraddisu.

La bona parola, e' comu l'ù specchiu

pi ccu ci criri: l'a' vera ricchezza

'i mali paroli: sutta l'ù cuvecchiu

e a' famigghia, campa d'alligrizza.

L'umiltà, l'a' firucia, e l'ù rispettu

vucabbuli, chi scanuscinu l'èrrori

su pallati in 'Italianu: ò in dialettu

ti sazzianu d'amuri, u' nostru cori.

Pi ccu ama priricari stu canturi

cu' amuri, s'alluntana di la braci

recita 'nnà priiera, a' l'ù SIGNURI

e l'a' famigghia: vivi  nzànta paci.

PAOLO RUGGIRELLO

A SICILIA

A Sicilia è comu na macchia, ranni,

ricca 'nta ogni ramu,

e circannu senza affanni

tutti i frutti c'attruvamu.

'Nta nu ramu c'è l'intelligenza,

lassata, pi li generazioni

dè patri nostri di tutti li nazioni

Greci, Romani da Spagna e da Pruvenza.

Nta nu ramu c'è la stuzia umana

e chista, .... è propiu cosa siciliana.

Poi ci sunu antichità, mari munti e paesaggi

ca sulu a vidilli parunu miraggi.

E vicinu a li rarici di 'sta macchia

c'è na terra tantu ginirusa, ca è na pacchia.

Ora, pari ca sta macchia è malata

e tutti hannu decisu ca và curata.

Però nun si capisci quali simenza

ha fattu crisciri u ramu di la dilinquenza.

'Nta stu ramu, crisci, a ta sapiri

'n fruttu, tantu duci d'assaggiari.

Esperti di tuttu u munnu hannu attruvari

qual'è a cura giusta d'adottari.

E mentri sunu attornu all'arvulu a studiari

ogni tantu, unu allonga a manu pi mangiari.

ALFREDO OSSINO

IL TUONO

E nella notte nera come il nulla,

a un tratto, col fragor d'arduo dirupo

che frana, il tuono rimbombò di schianto:

rimbombò, rimbalzò, rotolò cupo,

e tacque, e poi rimareggiò rinfranto,

e poi vanì. Soave allora un canto

s'udì di madre, e il moto di una culla.

GIOVANNI PASCOLI

COSI ANTICHI

Paisi fatti di casi vecchi,

tetti di lignu e ciaramiti,

muri di petra senza specchi,

cosi ca 'cchiù nun aviti.

Fumalora niviri, pavimenti di crita,

stradi di terra e di balati,

acchiù l'omu  nun c'abita,

cosi ca 'cchiù sunu scurdati.

Ca terra jocunu i carusi,

carretta e animali pi li stradi,

banchini rutti e fitusi,

cosi ca cchiù nnu  attruvati.

Stradi asfaltati, banchini di cimentu,

casi di mammuru, machini lucenti,

chistu c'è 'nta stu mumentu,

'sta biddizza voli a genti.

Senzu di ordini e pulizia,

cosi beddi veramenti,

eppuru a genti nun s'arrichia

e nun è cuntenta do prisenti.

Cosi vecchi 'nte musei,

casi vecchi 'nte campagni,

di 'sti cosi ti ni prei,

macari si nenti ci varagni.

A biddizza inchi l'occhi,

nu dubbiu veni 'nta menti,

su ' cchiu beddi i cosi vecchi

o chiddi do prisenti?

ALFREDO OSSINO

'U CURNUTU O' SO PAISI 'U FISSA 'UNNI VA VA

Tuzza Rannazza, rìtta la "riggina"

trattava omini sèri e ri cantina

li rinnovava còmu li vistita

'na figghia parturìu ri nomu Tita.

Però 'st'intoppu màncu la frenau

sempri ri cchiù lu sbàmpu 'a turmintau

canciava a Peppi e sì pigghiava a Ninu

comu canciassi 'a gònna o 'u spolverinu.

Tita ingrannia 'nnà 'na baraunna

d'omini chi facìanu comu l'unna

e puru chi vulìa crisciri sana

già ci ricianu: ''fìgghia ri buttana''.

Turiddru,lu "nutàru, l'aducchiàu

quannu si pirsuarìu s''a maritàu

lu matrimoniu fù fruttu r'amuri

ma poi, nun foru tùtti rosi e ciuri.

La 'ngiuria ri "nutàru"  s''a purtava

ri quannu li facènni spirugghiava;

e li genti ch'avìa a lu so cuntornu

ricianu chi vinnìa  un paìsi o' jornu.

Ri prisenza nun èra tantu strammu

anchi si nun avìa la panza al grammu

ma sin taliamu a chìddra ch'è l'essenza

ricemu chi tinìa panza e prisenza.

Cummirciava in partuàlla e cabbasisi

accattava, vinnìa, pigghiava 'i spisi

mantinia 'a mogghi còmu principissa

e sbattuliava, sèmpii, comu un fissa.

Spissu la notti 'n càsa  nun turnava

Tita, allura, 'nna màtri s'abbuattava

runni cc'era r''i gènti lu via vai

e lu burdellu, armàtu, cchiù chi mai.

'Na sira un furastèri 'a corteggiau

pi figghia di so màtri la pigghiau

iddra l'accuntintàu 'n tempu ri nenti

lu sangu era di chiddru chi nun menti.

Turiddru mancau pòi pi 'na simana

pi 'n' affari o' paìsi  ri Cianciana

Tita soccu ccì vìnni si pigghiàu

e comu vosi Dìu si la spassàu.

Quannu turnau però ristau alluccutu

picchì 'n' amicu ccì rissi: ''curnutu!''

la mogghi però 'stù fattu cc'u niàu

e prestu prestu a lèttu 'u cunsulàu.

'Stì vuci chi puzzàva ri biccumi

curreru comu cùrrinu li fumi

e quannu chi passiàva p'u' paìsi

paria, chi 'n frunti, avìa li corna misi.

Pi furtuna, era fàma ri cuntrata;

runni 'sta storia 'un èra palisata

lu riverianu cù tanta ''voscenza'';

essir curnutu nùn era sintenza.

Peppi Cipudda, quànnu s'accasau,

la mugghieri so zzìu cci la circau,

'na picciutteddra tùtta sana sana 

cu 'na facci ri brùnzu ri campana.

Fimmina arritiràta casa e chesa

pi strata s'annacàva lesa lesa

cu Peppi stesi sèmpri 'ncuddruliata

ma un orvu nun l'avìssi mancu ucchiata.

Peppi Cipudda, ch'èra rittu '' 'u fissa

campava sulamenti pi scummisa

quannu pallava 'a vùcca s''a jinchia

ma mancu iddru, sapìa soccu ricia.

A cu' manca riscùrsu e puru scienza

anchi si penza còmu un fissa penza

'n paìsi l'hannu tutti pi minchiuni

fora paìsi pàssa pi buffuni.

Peppi circava rì farisi strata

cu tutti riscurrìa fora cuntrata

paragunava lì surci e 'ì cunigghia

pallannu facia rìriri a tri migghia.

Ringrazziava pi là mugghieri a Diu

lu meritu però era r''u zziu

comu pirsuna si sintia dutata

ma era sulu caccòcciula spicata.

D'essiri si crirìa 'n'arca ri scienza

corpu facia però la so scimenza

cu la viria si ccì mittia a pallari;

ma sulu pi vulìllu cutuliari!

Nonostanti li sfòrzi chi facia

un coppu pipa nùn lu cunchiuria

'u curnutu 'n paìsi fama hà

'u fissa arresta fissa runni và.

VINCENZO ADAMO

ALLA NONNA

D’inverno ti mettevi una cuffietta
coi nastri bianchi come il tuo visino,
e facevi ogni sera la calzetta,
seduta al lume, accanto al tavolino.

Io imparavo la storia sacra in fretta
e poi m’accoccolavo a te vicino
per sentir narrar la favoletta
del Drago Azzurro e del Guerrier Moschino.

E quando il sonno proprio mi vinceva
m’accompagnavi fino alla mia stanza
e m’addormivi al suono dei tuoi baci.

Agli occhi chiusi allor mi sorrideva
in mezzo ai fiori una gioconda danza

GABRIELE  D'ANNUNZIO

LU CANI CHI NUN CANUSCI PATRUNI

Lu cani chi nun canusci lu patruni,

lu dicu beddu chiaru, campa pocu

la stessa cosa lu attu manciuni

certu chi finisci puru ddocu.

Dicemu puru lu malu latruni

nun penza chi joca cu lu focu,

sempri spaventi, risagghi, cunfusu 

vita amara,spassu addulurusu.

ANDREA  MAIORANA