AUGURI DI BUON NATALE E FELICE ANNO NUOVO

Il sole riscalda i nostri cuori, le stelle illuminano il nostro cammino, la luce di Natale riflette nella nostra anima. Basta poco per dare gioia. Un sorriso, una carezza, un piccolo dono. Viviamo ogni giorno della nostra vita donando gioia e amore, viviamo come fosse sempre Natale. - AUGURI BUONE FESTE - FELICE ANNO NUOVO.

UN MURO RICOPERTO DI GOMME DA MASTICARE

In California è stato ricoperto interamente da gomme da masticare un muro alto 20 metri. 

I partecipanti?! 

Tutti,  passate da lì e lasciate anche voi il vostro segno. 

Questa bizzarra "iniziativa" era un'attrazione già negli anni '70.

LI SURCI

Un surciteddu di testa sbintata

avia pigghiatu la via di l'acitu

e facia 'na vita scialacquata

cu l'amiciuna di lu so partitu.

Lu ziu circau tirarlu a bona strata,

ma zappau all'acqua pirchì era attrivitu

e di chiù la saimi avia liccata

di taverni e di zàgati peritu.

Finalmenti Mucidda fici luca,

iddu grida: Ziu!-Ziu! cu dogghia interna;

sò ziu pri lu rammaricu si suca;

poi dici: "Lu to casu mi costerna,

ma ora mi cerchi? chiaccu chi t'affuca!

Scutta pi quannu isti a la  taverna!"

Giovanni Meli

CU' VIVI VINU 'UN MORI CHIÙ

Tribbianu, 'nzolia, griddu o maraschinu,

pistatu cu li peri ntò parmentu,

rivugghi  nta la utti e fa lu vinu.

Pi mia la utti è comu un munumentu,

lu ciascu comu un càlici divinu

e lu biccheri ottavu sacramentu.

Jo vivu vinu e doppu mi ni vantu

e cu lu ciascu 'n-manu vivu e cantu:

Lu vinu è zuccaru,

lu vinu è balsamu,

lu vinu è ciauru,

lu vinu è cuscusu,

lu vinu è zagara.

Lu dissi Baccu, puru Gesù:

si vivi vinu 'un mori chiù!

Jò sugnu 'mbriacu, 'mbriacu di stu vinu

chi metti nta lu cori l'alligrìa;

sentu li noti di lu viulinu,

tu si surgenti di la fantasia.

Ti si la varca di lu me destinu,

mmezzu lu mari di la firnicìa.

E quannu sugnu sulu e provu scantu,

vivu lu vinu e doppu scialu e cantu:

Lu vinu è zuccaru,

lu vinu è balsamu,

lu vinu è ciauru,

lu vinu è cuscusu,

lu vinu è zagara.

Lu dissi Baccu, puru Gesù:

si vivi vinu 'un mori chiù!

A postu di la cola vivi vinu

chi fa bon sangu, dici lu dutturi,

lu binidici puru lu parrinu,

lu vivi lu 'gnuranti e 'u prufissuri,

lu vivi l'omu riccu e lu mischinu,

picchì' lu vinu nasci cu suduri.

E a lu viddanu, chi si fa lu vantu,

jò dicu: "Grazie" e ci lu dicu 'n cantu:

Lu vinu è zuccaru,

lu vinu è balsamu,

lu vinu è ciauru,

lu vinu è cuscusu,

lu vinu è zagara.

Lu dissi Baccu, puru Gesù:

si vivi vinu 'un mori chiù!

Dino Altese

CANTO POPOLARE

Giuvini schiettu, cardiddu d'amuri,

Zoccu t'haju prumisu t'haju a dari;

T'haju prumisu un jancu muccaturi,

D'oru ti lu cummienzu a raccamari;

D'accantu accantu ci scrivu l'amuri;

E 'nta lu miezzu un'acula riali,

E poi lu stennu 'mmiezzu rosi e sciuri:

-  'Sciucati prestu, cà t'haju a mannari.

Mineo ( Raccolta Pitrè)

LU VIDDANU

Li spaddi a lu suli, zappa lu viddanu

vota la terra e senti lu profumo

lu cardidduzzu canta di luntanu

lu merlu frisca di 'ncapu lu pumu.

Si ferma a taliari mentri pensa

si la raccolta sarà cu abbunnanza

cu la grassura mitti la simenza

tira lu surcu a la giusta distanza.

Di lu suduri vagna la cammisa

sputa nti li so manu e si riposa

talia unn'era prima la maisa

sutta la ficu vicinu la rosa.

La schina curba, li caddi a li manu

l'ucchi lucenti e lu sguardu sirenu

di la so terra  campa lu viddanu

e crisci e mori pi lu so tirrenu.

PINO VIZZINI

MAZZA DI TAMBURO (MACROLEPIOTA PROCERA)

DESCRIZIONE:

• Cappello -  inizialmente sferoidale, poi convesso e piano a maturità; è dotato di umbone bruno o bruno-grigio, liscio al centro e quindi coperto di scaglie fioccose e brunicce, con caratteristica disposizione radiale, sempre più rade verso il margine che si presenta sfrangiato. La cuticola è color  nocciola-biancastra, fribillosa  esetosa. Di dimensioni ragguardevoli che vanno dai 10 ai 25 centimetri - esemplari particolarmente grandi possono raggiungere i 40 centimetri.
• Lamelle - numerose, fitte,  irregolari e di colore bianco giallastro, con l'età color rosato-bruno e imbrunenti al tocco.
• Gambo -  slanciato e sottile (20-45 x1-2 cm), di diametro pressocchè costante e normalmente diritto, fibroso, duro, cavo e cilindrico. Bulboso al piede, è adornato da un anello doppio, scorrevole e ampio. Al di sotto dell'anello è presente la caratteristica squamatura color caffellatte.
• Carne -  bianca  tendente al rosato, fioccosa, tenera, poco consistente e fragile nel cappello.
• Odore - leggero  di nocciole.
• Sapore - dolce, di nocciola.
• Spore - di colore bianco in massa, sono ialine, lisce,elittiche e presentano un piccolo poro germinativo.
• Commestibilità - Va consumato solo il cappello. Si presta per la preparazione di cotolette, quando il cappello è totalmente aperto e con le lamelle ancora bianche, mentre con gli esemplari più giovani si possono preparare gustose frittate.
• Habitat - vive indifferentemente in boschi di Latifoglie o di Coniferi, come nei prati e nelle radure. Spesso gregario. Dall'estate all'autunno.

U CÀNTARU

Chiss'era 'n'arnisi

c'un stava mpalisi

di crita era fattu

ma lisciu era o' tattu.

All'ebbica attuali

chi c'è 'u rinali

e cessu all'inglisi

nun servi st'arnisi..

Ed è cunnannatu

a stari ammucciatu

senza ciatari

e senza ... mangiari.

I tempi passaru

e supra un sularu

finiscì 'a so' vita

ri merda e fatica.

Ma quantu cristiani

superbi e ruffiani

su' cantari nati:

ma su' mpanniddhrati.

Dal libro POESIE TRAPANESI

PASTA CULL'AGGHIA

Quattru spicchia d'agghiuzza arrisittata

un pizzicu di sali biancu e finu

basiricò di chiddhru a mazzu chinu

pistati  'nno  murtaru di balata.

Dopu  'na pistateddhra  cci mittiti

sei mennuli munnati e spiddhruzziati

pistati ancora e quannu vi stancati

du' spezzi macinati cci aggiunciti.

Quannu lu pistu è divintatu finu

tri pumarori russi ammanticati

e sempri arriminannu cci rattati

un pocu di tumazzu picurinu.

Stu sdilliziu livati d'u murtaru

mittennilu nton  piattu cupputeddhru

sdivacaticci d'ogghiu un cuppineddhru

arriminannu sempri c'u cucchiaru.

Sta nell'arriminata 'a puisia

picchì chissa 'l ciauri svapura

'nciamma e cunfunnì tutti li sapura

e svampa tutta 'a to' ularia.

Usati stu puema pì' cunzari

'l gnocculu sculati a puntu esattu

sdivacatili  araciu  nton gran piattu

pinsannu chi v'aviti a ricriari.

Rattaticidi supra 'u picurinu

e sempri  c'a buccetta arriminati

e quannu sunnu beddhri ammanticati

priparativi vucca e ......cularino.

TORE MAZZEO

LU VENTU BINIRITTU

Lu ventu ca si parti di luntanu

Pi' veniri a canciari 'st'aria antica,

mi pari comu quannu, 'nna la vita,

arriva ddu mumentu tantu attisu

ca servi a rinnuvari i sintimenti

di cu' la vita sua voli canciari.

Mi pari comu quannu, picciutteddu,

trimannu aspittava lu Natali,

pì' sentiri li ciavuri d''a festa,

pi' essiri cchiù bonu, cchiù curdiali;

pì' fari 'a littricedda a lu papà

e diricci: "Pirdunu, nun lu fazzu cchiù".

E mentri chiovi 'st'acqua a celu apertu

E sugnu a lu riparu 'nta me' casa,

tinennu supra 'ì gambi lu cchiù nicu

e lu cchiù granni finisci la littura,

taliannu a me' muggheri ca travagghia

cuntentu sugnu di 'sta me' vintura.

Lu ventu ca canciò li sintimenti

Vinnì 'nta la me vita tempu fa,

e dissi a tutti ca li me' turmenti

avevanu a finiri, e accussì fu.

Salvatore Corrao

TAGLIATELLE AI FUNGHI PORCINI

• Ricetta delle tagliatelle ai funghi porcini
• Ingredienti per 4 persone:
• 400 g di tagliatelle all’uovo
• 600 g di funghi porcini
• 3 cucchiai di olio extravergine di oliva
• 1 spicchio di aglio
• Un bel mazzetto di prezzemolo
• Sale quanto basta

• Procedimento (preparazione: 40 min. cottura: 15 min.)
• Iniziamo pulendo bene i funghi: con un coltellino affilato eliminiamo dal gambo la parte inferiore e terrosa, poi con uno spazzolino rimuoviamo delicatamente la terra sia dalle cappelle che dai gambi. Infine strofiniamoli con delicatezza usando un panno umido.
• Tagliamo sia i gambi che le cappelle a fettine non troppo sottili, facendo attenzione che l’interno sia perfettamente integro e bianco. 
• In un’ampia padella facciamo scaldare l’olio con lo spicchio di aglio sbucciato.Quando l’olio sarà caldo ma non bollente mettiamo i funghi e li facciamo saltare a fiamma vivace per una decina di minuti girandoli spesso, finché non saranno teneri; aggiustiamo di sale, spegniamo il fuoco e aggiungiamo la metà del prezzemolo tritato.
• Lessiamo la pasta in abbondante acqua salata; quando sarà quasi cotta eliminiamo lo spicchio d’aglio dalla padella e preleviamo 4 cucchiai di funghi. Mettiamoli nel bicchiere del frullatore assieme a un paio di mestoli d'acqua di cottura della pasta e a un filo di olio. Frulliamo fino ad ottenere una crema omogenea.Versiamo la crema di funghi nella padella e riaccendiamo il fuoco.
• Scoliamo la pasta al dente, e trasferiamola nella padella. 
• Mantechiamo le tagliatelle ai funghi per un paio di minuti, finché il sugo non si sarà ben amalgamato alla pasta.
• Serviamo subito le tagliatelle ai funghi porcini guarnendole con il prezzemolo rimasto.
• Provare per credere -  BUON APPETITO

TURMENTU

Sugnu n'impiegatu e 'un mi lamentu,

varagnu milli euru ogni misi

ma arrivu a jornu quinnici cu stentu,

dicitimi si chista nun è crisi.

Nun pozzu stari jò cu stu turmentu,

nun vogghiu surari chiù di tri cammisi;

nun merita, di certu, un munumentu

cu ruvinau, amici, stu paisi.

Li ricurdati ancora i milli liri?

Addivintaru un euru netti netti;

certu, sta cosa, nun si po capiri,

cca nni spunnaru a tutti li sacchetti.

Sulu stu fattu vali e l'aju a diri:

"Ii du' miliuna 'un eranu pirfetti,

ma certamenti nuddu 'u po smintiri

chi s'arrivava, almenu, ò vintisette".

A fari 'a spisa c'è di jittari vuci,

t'à fari 'I cunta prima chi ci trasi;

taliàmu 'I prezzi e semu misi 'n cruci,

nni nèscinu di 'n mucca certi frasi.

Soccu accatti accatti, sai, t'abbruci

e pigghi puru focu in certi casi,

vulissi fari 'u bravu, 'u bonu, 'u duci,

ma sutta di mia nun viu cchiù li basi.

La cosa è gravi e nun c'esti soluzioni,

'n aumentu di stipendiu è comu un ternu;

cca p'aggiustari un pocu 'a situazioni

ci vulussi 'a manu "santa" d'u guvernu.

Mi pari, 'nveci,  è chista è n'opinioni,

chi tant'assai iddi nun ci tennu,

a postu di dari lèvanu 'a razioni

e nni mannaru a tutti dintra 'u 'nfernu.

NINO BARONE - Trapani, 25 novembre 2004

UN SECULU DI STORIA

Accusu i politici

d'oggi e d'aeri:

Crispi e compagni,

pridicatura da monarchia,

beccamorti e fallignami

ca nchiuvaru a Sicilia

viva nta cruci.

Accusu i Savoia,

i primi e l'ultimo

re e imperaturi,

fascista e talianu

ncurunatu di midagghi

scippati cu sangu

ndo cori di matri.

Un seculu di guerri,

un seculu di stragi:

c'è ossa di siciliani

vrudicati nte diserti,

nta nivi,

nto fangu di ciumi:

c'è sangu di sulfarara,

di zappatura,

di matri scheletri

e picciriddi sparati

nte chiazzi da Sicilia.

Non hanno vuci  e gridanu

L'ammazzati du '93

chi petri nte sacchetti

e la fami nte panzi vacanti.

Non hannu vuci e gridanu

cu coddu sutta i pedi di baruna,

cu l'ossa sturtigghiati du travagghiu;

ca lingua i cani

e u ciatu e denti.

Tri ghiorna di macellu

di martirio e baccamorti

di lamenti e chiantu

nte casi di poviri.

Ci fu carni a bon prezzu

nta tavula di baruna;

a bon prezzu

pi sovrani di Roma;

a bon prezzu pi Crispi,

macillaru di corte;

e Lavriano

ginirali e sicariu

pagatu a ghiurnata.

L'avemu cca

Ancora cca

chi stissi facci

e u cori di sarvaggi

i scannapopulu;

ci liccanu i pedi,

ci dannu u votu,

l'ugnia pi scurciarini;

a corda pi nfurcarini;

a mazza e a ncunia

pi rumpirinni l'ossa.

L'avemu cca

ancora cca a mafia,

assittata nte vanchi d'imputati

a dittari liggi;

a scriviri sintenzi di morti

chi manu nsangati.

L'avemu cca

I compari da mafia

Chi manu puliti,

i firrara di chiavi fausi,

i spogghia artari cu a cruci nto pettu;

unni posano i pedi sicca l'erba,

sicca l'acqua

spuntanu spini e lacrimi pa Sicilia.

L'avemu cca

L'affamati du putiri;

l'affamati di carni cruda,

ca cridinu a Sicilia

un porcu scannatu

e ci spurpanu l'ossa.

Si si Sicilianu

isa u vrazzu,

grapi a manu:

cincu banneri russi,

cincu!

Adduma a pruvulera du cori!

Si si Sicilianu

fatti a vuci cannuni,

u pettu carru armatu,

i gammi cavaddi di mari:

annea i nimici da Sicilia!

L'avemu cca e cantanu

I risignoli ammaistrati

c'agghiuncinu lacrimi di nchiostru

e lacrimi da Sicilia,

e stornellanu u misereri

a gloria di patruna.

Cantanu odi o suli

o celu 

o mari

a zagara,

e portanu a Sicilia ntronu

cu velu niuru

di mala maritata.

U fumu svampa

e ghettanu cinniri a palati,

incapaci d'impastari

i cori di siciliani

e farini unu a tri punti

tridici voti chiù granni da Sicilia.

A Sicilia non havi chiù nomi

nè casa e paisi;

havi i figghi sbattuti pu munnu

sputati comu cani,

vinnuti all'asta:

surdati disarmati

chi cummattinu cu i vrazza.

Chi vrazza,

i rami virdi da Sicilia,

arrimiscanu a terra,

rumpinu timpuna,

siminanu

e fannu orti e ghiardina.

Chi vrazza ...,

fabbricanu palazzi,

costruiscinu scoli,

ponti,

officini

e aeroporti.

Chi vrazza ,

i lapi di meli da Sicilia

grapinu strati,

spirtusanu muntagni,

svacantanu a panza da terra.

Chi vrazza,

i surdati senza patria,

i sfardati,

i carni senza lardu

vestinu d'oru i porci di fora.

I chiamanu terroni,

zingari

pedi fitusi;

e hanno i figghi e i matri

chi cuntanu i ijorna

cu l'occhi vagnati;

e stu cielu ca vasu,

e sta terra chi toccu

e mi canta nte manu;

e seculi di civiltà

sutta i pedi.

A Sicilia non havi chiù nomi;

ma miliuna di surdi e di muti

affunnati nta un puzzu

ca io chiamu e non sentinu,

e s'allongu i vrazza

mi muzzicanu i manu.

Io ci calassi i cordi di vini,

i riti di l'occhi 

pi tiralli du puzzu;

pirchi cca nascivu

e parru a lingua di me patri;

e i pisci

aceddi

u ventu,

puru u ventu!

trasi nt'aricchi

e ciarlaria nsicilianu.

Cca nascivu,

e si mi vasu i manu

vasu i manu di me morti;

e si m'asciucu l'occhi

asciucu l'occhi di me morti.

Cca nascivu,

addattavu nte minni di sta terra,

ci sucavu u sangu;

si mi tagghiati i vini,

vi bruciati i manu!

Non è veru c'amamu a Sicilia

si avemu a storia nto pugnu

e l'affucamu;

non è veru

si addumanu u focu

e l'astutamu;

non è veru mancu

si stamu un ghiornu libiri

e pi cent'anni servi.

Non dumannamu pirdunu a storia

ora ca nni scurdamu

i martiri di tutti i tempi

ca misiru u coddu sutta a mannara

senza chianciri:

Di Blasi, unu  (1)

Ora ca nni scurdamu

i torturi nte galeri,

i cunnannati a vita,

i nfurcati,

e l'arrustuti vivi nte chiazzi.

Petri e fangu

Pi cu supporta a miseria,

petri e fangu

pi cu batti i manu e putenti

petri e fangu

pi cu non metti u coddu

nta furca da libertà:

u dicu e siciliani,

e mi scatta u cori!

E fu aeri,

( a data non cunta )

io vitti chianciri i matri

nto chianu da Purtedda, (2)

e Saveria Megna

addinucchiata supra l'erba

parrari cu so figghiu ammazzatu.

Idda u videva,

io no:

u foddi era io

si doppo vitti nersciri di fossi

tutti i morti pa libirtà da Sicilia:

vivi

a migghiara

a marusi

cu focu nta l'occhi!

Dammi la manu

Cola Lumbardu, (3)

( iu parrava cu iddu!' )

sfardati a cammisa, ci dissi,

fammi vidiri i pirtusa nto pettu

Sfunnatu di baddi taliani.

A Bronti, ci dissi,

nto Chianu i San Vitu

dopu cent'anni cu passa

senti ancora a to vuci:

moru pu populu!

Cuntami a storia

Turiddu Carnivali, (4)

(io parrava cu iddu!')

figghiu du nfernu e du paradisu,

cuntami a storia!

Nta stu pugnu c'è a morti,

ti dissiru

nta stu pugnu i dinari,

ti dissiru;

e tu:

a morti,

a morti!

E ci turcisti u pugnu.

L'indumani

a Sciara

 i cumpagni

 u purtavanu a spadda:

quattru,

sudati,

un passu doppu l'autru.

Ntutt'unu

a cascia

divintò leggia,

ci scappava di nmanu

u mortu un c'era nta cascia,

caminava  in prima fila

nmezzu i banneri russi;

a testa,

tuccava u celu!

Cu camina calatu

torci a schina,

s'è un populu

torci a storia.

IGNAZIO BUTTITTA (settembre 1970)

Note:

1) - Francesco Paolo Di Blasi,decapitato nel 1795. Giurista di idee illuministe, autore del "Saggio sopra la legislazione di Sicilia", promosse una cospirazione di un governo repubblicano, Fu giustiziato con tre compagni a Palermo - (Palermo - 20 maggio 1795 - piazza Indipendenza -

2) - Luogo dove Giuliano e la sua banda e infiltrati di mafia, spararono sui contadini che festeggiavano la data "del I° maggio 1947-

3) - Avvocato, fucilato per ordine di Nino Bixio, il giorno 8 agosto 1860, per avere capeggiato una sommossa di contadini; che chiedevano la ripartizione delle terre che era stata promessa da Garibaldi.-

4) - Giovane sindacalista di Sciara, piccolo paese della provincia di Palermo, ucciso dalla mafia il 16 maggio 1955.-

LA MUSCA 'NT'A FILINIA

Di quantu 'mbrogli mistiriusi e occulti

si pasci sta mafia nustrana!

Quantu sangu si vivi,

quantu morti stinnicchiati lassa,

Quantu voti ti trovi cu la lingua 'ntrappulata,

si la peddi vo scanzari,

cu a manu 'nna sacchetta,

si cuetu vo campari!

Puru la liggi l'havi sta 'nzita,

puru idda è ammagagnata

arridutta comu  è p'aviri spacu

a limusiniari di lu veru lu sucu

ccu sperdita di tempu, pristigiu e di sustanza.

Comu la musca è,

ca quannu 'ntra filinia 'ncappa

tutta s'asciuca e chiù nun allippa.

Esther Ciulla

LA VINNIGNA

Sutta la pergula

matura è già la racina:

pronta è la vinnigna ...

Lu ciauru du mustu

si sparti ne' tinnedda:

aria di festa è pi la ciurma ...

La viddanedda canta

d'amuri 'na canzuna:

chiama lu zzitu ca di focu adduma ...

Chi ciauru'nto bbàgghiu

fa sta terra!  Mustarda  e cudduredda

già sunnu 'nta scutedda!

Manuela verbasi

U MARI

Era carusu e taliava u mari,

l'unna batti a 'nsichitanza,

a cosa mi faceva pinsari

a so pacenzia e a so custanza.

Di millanni fa a stissa cosa

si tira a rina e c'ha rimetti

mai una vota si riposa

mai na vota ci la smetti.

Avi a forza do Signuri,

mancu a petra ci risisti

'nta millanni fa sculturi,

ca su a 'miria di l'artisti.

L'omu 'nchinu di 'ncuscenza

u inchi sempri di lurdia,

ma u mari cu custanza,

subutu dopu pulizia.

A pacenzia di lu mari

è vecchia di mill'anni,

nuddu mai u po stancari

nuddu ci procura affanni.

Tanti anni ha na passatu,

u mari è chinu di munnizza,

pò essiri chi l'omu ha vinciuti,

ca ha stancatu 'sta rannizza?

Haiu fiducia 'nta lu mari,

l'omu è vili e nun a dura

a spiranza mi fa pinsari

ca a fini vinci la natura.

Pero, l'omu si spaventa,

è forti e ostinatu,

cu tutti si cimenta

supra a tutti ha cumannatu.

Sta cosa non pò durari

picchì l'omu accussi intelligenti

lotta sempri cu lu mari

e pa natura è nun fa nenti?

Picchì l'omu nun capisci

 ca da natura è 'mpizzuddu

ca su chista a spirisci

puru iddu diventa nuddu.

Alfredo Ossino

E' URA DI FINIRLA

Ci sunnu certi pirsuna

chi si sentinu santi prutittura

Sunnu comu li palluna 'unciati

e vonnu sempri esseri 'ncinsiati.

Fineru li tempi di li babbiuna

chi si sintianu sperti e patruna

ora li tempi sunnu muderni,

è ura di finirla

di sintirisi patreterni.

Ormai lu populu apriu l'occhi

e finero li tempi di li balocchi,

ma ancora c'è pualcunu

chi nun si voli rassegnari

vulennu sempri cumannari.

Iu ci dicu: amicu miu

ormai lu mulu muriu,

chi vai circannu radici pi ruttari,

cu la to parlantina a cù vò 'ncantari?

Cancìati lu ciriveddu

si 'nsocietà vo stari,

nun fari lu farsu mudestu

tuttu surrisu e abbracciu lestu.

Nni la pirsuna si varda lu cori,

tutta ricchizza di la natura,

si è sinceru  pi sempri dura

sia da vivu che in sepoltura.

Pietro Taormina

PORTELLA DELLE GINESTRE 1° MAGGIO 1947

Nta lu chianu da Purtedda chiusa a n'mezzu a ddù muntagni

c'è na petra supra l'erba pi ricordu a li cumpagni.

A l'addritta nni 'sta petra a lu tempu di li fasci

un apostulu parrava di lu beni pi cu nasci.

E di tannu finu a ora a Purtedda  dà Ginestra

quannu veni 'u primu maggiu 'ì cumpagni fannu festa ...

E Giulianu lu sapia  ch'era 'a festa di li poviri,

'Na jurnata tutta suli doppu tantu tempu a chioviri

Cu ballava, cu cantava, cu accurdava li canzuni

E li tavuli cunzati di nuciddi e di turruni!

Ogni asta di bannera, era zappa, vrazza e manu

Era terra siminata, pani càudu, furnu e granu.

La spiranza d'un dumani chi fa 'u munnu 'na famigghia

La vidèvanu vicinu e cuntavanu li migghia,

l'uraturi di ddu jornu jera Japicu Schirò,

dissi: " Viva 'u primu maggiu", e la lingua ci siccò.

Di lu munti 'ì la Pizzuta ch'è l'artura cchiù vicina

Giulianu e la so banna scatinò a carneficina.

A tappitu e a vintagghju,

mitragghiavanu la genti

Comi fauci chi meti

cu lu focu 'ntra li denti,

c'è cu cianci spavintatu,

c'è cu scappa e grida ajutu,

c'è cu jetta i vrazza a l'aria

a difisa comu scutu ...

E li matri cu lu ciatu,

cu lu ciatu - senza ciatu:

- Figghiu miu, corpu e vrazza

comu 'nchiommur' aggruppatu!

Doppu un quartu di ddù 'nfernu, vita,morti e passioni,

'ì briganti si nni jeru senza cchiù munizioni,

arristar a menzu o' sangu e 'ntà l'erba di lu chianu,

vinti morti, puvireddi, chi vulianu u munnu umanu ...

E 'nta l'erba li ciancèru matri e patri agginucchiati,

 cu li lacrimi li facci ci lavàvunu a vasàti.

Epifania Barbatu, cu lu figghiu mortu 'nterra dici:

" A li poveri, puru ccà, ci fannu a guerra ..."

Mentri Margarita la Glisceri, ch'èra ddà cu cincu figghi

arristò morta ammazzata, e 'nto ventri avea 'u sestu figghiu ...

'A 'ddu jornu, fu a Purtedda, cu ci va doppu tant'anni,

vidi morti 'n carni e ossa, testa, facci, corpa e jammi,

vivi ancora, ancora vivi e 'na vuci 'n celu e 'n terra,

e 'na vuci 'celu e 'n terra: O justizia, quannu arrivi?

O giustizia, quannu arrivi?||

Ignazio Buttitta

L'OMU SENZA LA DONNA

L'omu avi la varba e si senti impurtanti

l'omu senza la donna nun iè nenti

iè comu na cosa inutili e vacanti

comu un rastiddu ca nun avi denti

La donna duna all'omu la mportanza

ci dà lu fruttu di la so simenza

ci duna gioia, ci duna pristanza

e l'arricchisci di la so prisenza

L'omu senza la donna è lampadina

ca manca la currenti e nun adduma

cumu lu sciumi quannu fa la china

sdirrupa vuschi e inchi li vadduna

L'omu senza la donna è un carritteri

ci manca lu cavaddu ppì 'mpaiari

picchissu l'omu cerca la muglieri

ppì lu carrettu putiri tirari

L'omu senza la donna è maidduni

iè na maidda ca nun 'mpasta pani

iè nu marruggiu senza lu zappuni

iè un campanariu senza li campani

L'omu senza la donna è un canniliri

manca lu miccu e nun si po' addumari

ora amicu ti lu voogliu diri

l'omu senza la donna nun sa stari.

Pino Vizzini

AMMUNIMENTU ! !

Ranni è lu "Regnu" di la funcia!

Ranni assai ...

Cù s'affaccia a sta finestra

non la chiudi mai ...

E' comu l'acqua immensa di lu mari

chi na scoccia di nucidda

non pò mmai livari.

Ppi sta "Scienza" occurri:

talentu, mudestia e 'spirienza.

Mai fidarisi di vecchi cridenzi,

mai aviri tintinnamenti

e mai diri falsità:

la funcia punisci senza pietà ...

Stefano La Motta

A FICU

Ntò misi ri ghiugnettu

mori la paparina

ancìra lu spineddu

ancrana la racina.

U sciumi va ssiccannu

a surgiva è ccò llammicu....

Nta tutta la campagna

cunciunu li ficu!

La ficu i primi sciuri

manciata la matina

austusa è cciù rò cièvusu

cciù aruci rà rracia.

Però ti la manciari

cunciuta ò puntu ghiustu;

strazzata a vistinedda

e prima ri menz'Austu.

E mmancu ossa havi

stu fruttu sapurusu

à po' manciaru u vecciu

u ggiuvini e u carusu.

Ccu ddu cuccidd'ì meli

ca fila rò culiddu

cci scrama lu curuzzu

macari a'm-picciriddu!

Picch'ì la ficu è ffimmina

e quannu è castagnola

è comu a picciuttedda

c'ancora va a scola.

Quann'è c'appuoi spacca

tannu è ciù ssapurita

cà puoi paraunari

a fimmina quann'è zzita.

Scurciata appena còita

maravigghia ri Natura

è ccomu se spugghiassitu

'na bbillissima signura!

Passatu lu so' tiempu

rrimodda  e gnacitisci:

ddiventa com'a veccia

c'arrappa e mpassulisci!

E tannu unn'è di  còggiri

è proprio ri jittari

ca mancu l'auceddi

la vuonu pizzuliari!

Cc'è a ficu natalina

chidda sanciuvannara...

ma ri chidd'austunisa

si ni jinciunu panara!

Li poi siccar'ò suli

o farini mustata;

ncannati nta ru' scroppa

o masonna a mmarmmillata.

U zzuccuru cci quagghia

nta chiddi scauràti

s'ancòddunu ri meli

a rressi li nciappàti.

A Nnunviernuccu ddu 'miènnuli

quattru nuci e ddu rranata

fai li muorti a li niputi

ccu na bbella passulata!

Ma i ciacciari su' Cciacciari

sapiti cchi bbi ricu? ...

Mi ni vaju sutt'a maccia

e bba ccuogghiu quattru ficu!

tratta da : Vinu ri vutti veccia. di G. D'Avola