Picciriddu eri tu, quannu nascisti,
fusti purtatu all’usu di raggiuni,
passau lu tempu, granni ti facisti,
eri picciottu e ti sintia un liuni.
Comu mugghi putia ta divertisti,
can uscisti lu munnu e li pirsuni,
cu ‘sti piruzzi toi, quantu curristi,
cu armali, arati, fauci e zappuni.
Cu li sudura toi , facennu acquisti,
chi nenti cunchiuristi ti nn’adduni,
ora chi la saluti la pirdisti,
e di tia stessu nun si cchiù patrunu.
Prestu la scala acchianasti e scinnisti,
t’isti a teniri a l’urtimu scaluni,
e ora chi si vecchiu arridducisti,
chi caminari nun poi senza vastuni.
Su’ nenti li ricchizzi e li dinari,
pi cù mmicchisci e ‘un si po’ riminari.
Fontana Antonino
Nessun commento:
Posta un commento