Sicilia bedda mia, terra di ciuri,
si di lu cori meu la patria amata,
di barbari e guerrieri di valuri,
fusti di tanti lotti 'nsanguinata,
divastaru la funti di l'amuri,
cu la so' tirannia spegiudicata,
tu ch'hai suffertu tantu 'stu duluri,
meriti tantu d'essiri onurata.
Di li to' figghi, chi cu tantu arduri,
fusti cu sangu e ferru riscattata,
pi li jardini toi di rosi e ciuri,
ristirai in eternu 'nprufumata.
Jo sugnu ccà cu tia, pi farti onuri,
'nmezzu 'sta terra ch'è tantu affuddata,
speru c'unn'haiu fattu granni erruri,
e la me' puisia fussi apprizzata.
La lassu nni 'stu munnu pi memoria,
pi dari a la me' terra onuri e gloria.
FONTANA ANTONINO
Nessun commento:
Posta un commento