Chi beddi tagghiarini
e chi lasagni;
stisi a li canni
parinu vuleri!
Allegru canta
u scrusciu di cucchiari,
quannu torna lu patri
versu sira.
Fumia lu piattu.
La casuzza è chiusa.
lu ventu tuppulia
comu patruni.
La stanga appuntiddata
metti forza.
Abbaia lu cani
supra lu scaluni,
talia la luna
chi lu fa arrabbiari.
La porta trangulia
sulu pi ghiocu
e 'nsunnacchiata,
pari c'anninnia!
Maria Favuzza
Nessun commento:
Posta un commento