Quannu chiovi nni la notti scura
e si ràpinu li catarratti di lu celu,
tannu trema ogni criatura
chi cadinu abissi di lu celu.
Mentri chi lu mari è timpistusu
e la timpesta cchiù metti a 'ncarmari,
si vota lu marinaru cunfusu:
-San Gisippuzzu m'aviti aiutari-.
Nta ddu frattempu si carma lu mari;
l'affrittu marinaru cogghi ciatu,
l'occhi a l'atru latu va pi vutari:
- San Gisippuzzu sia ludatu- !
E nui chi semu nta stu munnu 'ngratu,
nta stu munnu di lagrimi e suspiri,
cu pigghia a San Giseppi p'avvucatu,
cu pigghia a San Giseppi nun po' piriri.
Nessun commento:
Posta un commento